Azərbaycan və Rusiya investorlarlarının problemləri müzakirə olunacaq

İyunun səkkizində Peterburq Beynəlxalq İqtisadi Forumu çərçivəsində Rusiya-Azərbaycan biznes dialoqu keçiriləcək.

Bu haqda TASS məlumat verir.

Tədbirin proqramına görə, Rusiya və Azərbaycan hökumətləri ikitərəfli əməkdaşlığın möhkəmləndirilməsini qarşıya məqsəd qoyub.

Hazırda aqrosənaye komplekslərində əməkdaşlığın işə salınması ilə bağlı birgə tədbirlər planı, turizm sahəsində əməkdaşlıq proqramı, “Şimal-Cənub” beynəlxalq nəqliyyat dəhlizi layihəsinin gerçəkləşdirilməsi üzrə tədbirlər planı həyata keçirilir, milli valyutalarda qarşılıqlı əməliyyatların həcminin artırılması istiqamətində hazırlıq işləri görülür.

Tədbirdə ölkələrinə ərazisində irimiqyaslı infrastruktur layihələrinin gerçəkləşdirilməsi üçün daha effektiv mexanizmlərin yaradılması yolları və azərbaycanlı və rusiyalı investorların üzləşdiyi problemlərin müzakirə olunacağı planlaşdırılır.

Qeyd edək ki, Peterburq Beynəlxalq İqtisadi Forumu iyunun altısından səkkizinə kimi keçirilir.

Forum 2006-cı ildən bəri Rusiya prezidentinin hamiliyi təşkil olunur.скачать dle 11.3

Şahidi olduğunuz hadisələri çəkib bizə göndərin!