Bərdə rayonunda marketə girən kişinin avtomobili oğurlanıb.
Median.Az oxu.az-a istinadən xəbər verir ki, Mürşüd Məmmədov rayonun Lək kəndi ərazisində fəaliyyət göstərən marketdə alış-veriş edən zaman sözügedən hadisə baş verib. Onun sözlərinə görə, “VAZ-2106” markalı minik maşınını marketin qarşısında saxlayaraq, içəri daxil olub. Lakin marketdən çıxarkən şəxsi avtomobilini saxladığı yerdə görməyib.
M. Məmmədov bildirib ki, hadisə ilə əlaqədar polisə müraciət edib.
Avtomobilin sahibinin sözlərinə görə, həmin vaxt ərazidə sıxlıq olsa da, ona məxsus əmlakın hansı şəraitdə aparıldığını kimsə görməyib.
Bərdə rayon Polis Şöbəsindən isə bildirilib ki, hazırda həmin faktla bağlı araşdırma aparılır.
Şahidi olduğunuz hadisələri çəkib bizə göndərin!
Son Əlavə