Sumqayıtda silsilə oğurluqlar törədən 2 nəfər saxlanılıb

Median.Az xəbər verir ki, Sumqayıt ŞPİ 4-cü polis bölməsi əməkdaşlarının keçirdikləri əməliyyat-axtarış tədbirləri nəticəsində şəhər ərazisində “Chevrolet” markalı avtomobildən 300 manat, 1 evdən noutbuk, 1 mağazadan pul və müşahidə kamerasının yaddaş qurğusunu, 2 həyətyanı sahədən inşaat materialları və metal qırıntıları oğurlayan Abşeron rayon sakini, əvvəllər məhkum olunmuş A.Ağakişiyev saxlanılıb.

Bundan başqa, 4-cü polis bölməsinin əməkdaşları tərəfindən ötən il oktyabrın 26-dan bu il mayın 9-dək olan müddətdə, şəhər ərazisindəki 1 evdən,
1 avtomobildən pul və maqnitofon oğurlayan şəhər sakini M.Rüstəmov saxlanılıb.

Faktlarla bağlı CM-nin 177-ci (oğurluq) maddəsi ilə cinayət işləri başlanılıb.