Median.Az xəbər verir ki, Sumqayıt ŞPİ 1-ci polis bölməsi əməkdaşlarının keçirdikləri əməliyyat-axtarış tədbirləri nəticəsində şəhər ərazisində 1 avtomobildən, 1 mağazadan və 1 həyətyanı sahədən inşaat materialları, mobil telefon və velosiped oğurlayan şəhər sakini, əvvəllər məhkum olunmuş Ş.Salayev saxlanılıb.
Bundan başqa, Sumqayıt ŞPİ 4-cü polis bölməsinin əməkdaşları tərəfindən ötən il oktyabrın 13-dən dekabrın 10-dək olan müddətdə 3 qadının mobil telefonlarını oğurlayan şəhər sakini, əvvəllər məhkum olunmuş R.Şıxəliyev saxlanılıb.
Sumqayıt ŞPİ 3-cü polis bölməsi əməkdaşlarının keçirdikləri əməliyyat-axtarış tədbirləri nəticəsində şəhər ərazisindəki 1 evdən su sayğacı, 1 bərbərxanadan mobil telefon, 1 avtomobildən akkumulyator, 1 qadının içərisində 60 manat və açar olan pulqabısını oğurlayan şəhər sakini, əvvəllər məhkum olunmuş R.Sultanov saxlanılıb.
Faktlarla bağlı CM-nin 177-ci (oğurluq) maddəsi ilə cinayət işləri başlanılıb.
Şahidi olduğunuz hadisələri çəkib bizə göndərin!
Son Əlavə