Narkoloji Dispanserdə gənclərdən yeni “müalicə üsulları” - VİDEO

Narkoloji Dispanserin yeni istifadəyə verilən binasında gənclər yeni “müalicə üsullarına” əl atıblar.

Median.Az oxu.az-a istinadən xəbər verir ki, bu barədə “VarYox” komandası öz saytında video yayımlayıb.

Videoda onların müalicə alanlar üçün yoqa kursları təşkil etdikləri görünür.

Pasiyentlər yoqanın onlara faydası dəydiyini, dəyişikliklər olduğunu, rahat nəfəs aldıqlarını bildiriblər.

Bundan əlavə, gənclərdən ibarət komanda maraqlananlar üçün qraffiti kursu təşkil edib. Könüllülər oxuduqları və onlara təsir göstərən kitabları burada müalicə alanlara hədiyyə ediblər.

Təşkilatçıların sözlərinə görə, tədbir həm də pasiyentlərin mənəvi dəyərlərinə diqqət yönəltmək məqsədi daşıyıb:

“Uzun müddət müalicə alan pasiyentlərin vaxtlarını ancaq palatalarda yox, onlar üçün yaradılmış məkanlarda keçirmələri, yeni bacarıqlar yoxlamaları vacibdir”.

Tədbirə həkimlər, tibb işçiləri də qoşulub.

“Nəyisə dəyişmək istəyiriksə, münasibətimizi dəyişməliyik. Onlara bizim dəstəyimiz lazımdır, onlar buna layiqdirlər” - deyə gənclər bildirib.

Daha ətraflı videoda: