Hesablama Palatası ötən il həyata keçirdiyi nəzarət tədbirləri nəticəsində nöqsan aşkar olunan ali təhsil müəssisələrinin adlarını və onların yol verdikləri nöqsanları açıqlayıb.

Palatanın hesabatına əsasən, nöqsanlar Azərbaycan Tibb Universiteti (ATU), Bədən Tərbiyəsi və İdman Akademiyası (BTİA) və Bakı Slavyan Universitetində (BSU) qeydə alınıb.

2018-ci ilə büdcə qanunvericiliyini ATU yeddi dəfə, BTİA altı, BSU isə beş dəfə pozub.

ATU-da əsaslı qoyuluşlar üzrə iki, dövlət əmlakının istifadəsi ilə bağlı bir, vergi və gömrük qanunvericiliyinin pozulması üzrə iki nöqsan aşkarlanıb.

Ötən il dövlət satınalmaları ilə bağlı ATU-da üç, BTİA-da beş, BSU-da isə altı nöqsan qeydə alınıb.

2018-ci ildə mühasibat uçotu və hesabatlılıqla bağlı ATU-da dörd, BTİA-da dörd, BSU-da isə altı nöqsan aşkarlanıb.

Bundan başqa, BTİA-da büdcədənkənar fond, sosial təminat və sosial müdafiə ilə bağlı fəaliyyətdə bir nöqsan qeydə alınıb.скачать dle 11.3