Prezident və xanımından Azərbaycan xalqına təbrik

Prezident İlham Əliyev və birinci xanım Mehriban Əliyeva Azərbaycan xalqını on milyon olması münasibəti ilə təbrik edib.

Ölkə başçısı və xanımı Azərbaycanın 10 milyonuncu sakininin dünyaya gəldiyi ailəyə də təbrik ünvanlayıb.

Məlumata görə, qız uşağı 2019-cu il aprelin 6-da keçmiş Ağdərə rayonu sakini, hazırda Ağdam rayonunun Baş Güneytəpə kəndində qeydiyyatda olan məcburi köçkün Ocaqova Nigar Çərkəz qızı ilə Həsənov Rauf Yunis oğlunun ailəsində dünyaya göz açıb.