Sabiq futbol ulduzu, Braziliya millisinin, “Barselona” və “Milan” klublarının eks üzvü Rivaldonun oğlu “Neftçi”də çıxış edə bilər.

Median.Az Bolqarıstanın temasport.com saytına istinadən xəbər verir ki, Bakı klubu Sofiyanın “Levski” klubunda çıxış edən Rivaldinyoya maraq göstərir.

Lakin bu futbolçunun 2020-ci ilin yayınadək “Levski” ilə müqaviləsi mövcuddur. Bu səbəbdən futbolçunun icarəyə götürüləcəyi ehtimal edilir.

Qeyd edək ki, Rivaldinyo atası Rivaldo kimi hücumçudur. 23 yaşlı futbolçu ölkəsindən başqa, Portuqaliyanın “Boavişta” və Rumıniyanın “Dinamo” klublarında çıxış edib.

Tam adı Rivaldo Vitor Moska Fereyra Junior olan futbolçunun ciddi uğuru artıq ləğv olunmuş Rumıniya Liqa Kubokunu qazanması olub. Braziliyalı Bolqarıstan nəhəngi ilə ötən ilin yanvarın 27-də 2,5 illik müqavilə bağlasa da, cəmi 12 matçda meydana çıxıb və bir qol vurub. O, cari mövsüm cəmi dörd matçda meydanda olub./oxu.azскачать dle 11.3