Bakı Ağır Cinayətlər Məhkəməsində Bakı şəhər sakini Surxay Əliyevin CM-nin 120.1-ci (qəsdən adam öldürmə) və 126.1-ci (qəsdən sağlamlığa ağır zərər vurma) maddəsi ilə təqsirləndirilməsinə dair cinayət işi üzrə hazırlıq iclası keçirlib.

Median.Az xəbər verir ki, ötən il iyunun 20-də Sabunçu rayonunun Maştağa qəsəbəsində yerləşən "Araz" Supermarketlər şəbəkəsinin əməkdaşları Vüqar Hüseynzadə və Kənan Səlimov bıçaqlanıb. Nəticədə çoxsaylı xəsarət alan V.Hüseynzadə hadisə yerində ölüb, K.Səlimov isə xəsarətlərlə
3 saylı şəhər klinik xəstəxanasına yerləşdirilib.

Bakı şəhər Baş Polis İdarəsi Cinayət Axtarışı İdarəsi və Sabunçu RPİ 14-cü polis bölməsi əməkdaşlarının birgə keçirdikləri əməliyyat-axtarış tədbirləri nəticəsində Surxay Əliyev Bakıxanov qəsəbəsinin ərazisində saxlanılıb.

İstintaq zamanı məlum olub ki, Vüqar Hüseynzadə Surxay Əliyev və Kənan Səlimov iş gününün sonunda, səhər baş verən münaqişəyə aydınlıq gətirmək üçün işlədikləri “Araz” supermarketinin arxasına keçiblər. Orada, bankomatın yaxınlığında gənclər arasında dava düşüb. Surxay Əliyev bıçaqla Vüqar Hüseynzadəyə bıçaqla zərbələr endirib, Kənan Səlimov dostlarını ayırmağa çalışsa da, ona da xəsarət yetiriılib.

Hazırlıq iclasında təqsirləndirilən şəxsin anket məlumatları dəqiqləşdirilib.

İş üzrə baxış yanvarın 15-nə təyin edilib.скачать dle 11.3