Bakı Ağır Cinayətlər Məhkəməsində Zeynal Hüseynov, Rəşad Sultanov, Həsənbala Həsənov və Dəyanət Abdullayevin СM-nin 181-ci (quldurluq) və 182-ci (hədə-qorxu ilə tələb etmə) maddələri ilə təqsirləndirilmələrinə dair cinayət işi üzrə məhkəmə prosesi başa çatıb.

Median.Az xəbər verir ki, ittiham aktına əsasən, təqsirləndirilən şəxslər paytaxtda tanıdıqları şəxsi soyundurub, döyərək şəxsiyyətini alçaltıblar və daha sonra ondan pul tələb ediblər. 

Məlum olub ki, Z.Hüseynov, R.Sultanov, H.Həsənov və D.Abdullayev zərərçəkmişi soyundurduqdan sonra, onu telefona çəkərək görüntüləri özlərində saxlayıblar. Daha sonra həmin görüntülərlə zərərçəkmişi şantaj edərək dəfələrlə ondan pul tələb ediblər.
Məhkəmənin hökmü ilə D.Abdullayev 8 il 6 ay, Z.Hüseynov 8 il, R.Sultanov və H.Həsənov 7 il 6 ay azadlıqdan məhrumetmə cəzalarına məhkum olunublar.скачать dle 11.3