Median.Az xəbər verir ki, daxil olan müraciətlər əsasında Binəqədi RPİ-nin 5-ci polis bölməsi və DİN Əlahiddə Çevik Polis Alayı əməkdaşlarının birgə keçirdikləri əməliyyat tədbirləri nəticəsində, noyabrın 14-nə keçən gecə rayon ərazisində “Hyundai”, “Mercedes” və “Baic” markalı avtomobillərdən mobil telefonlar, içərisində pul, sənədlər olan çanta və pulqabı oğurlayan, həmçinin “Nissan” markalı avtomobildən şüşəni sındırmaq yolu ilə oğurluğa cəhd göstərən Bakı şəhər sakini Rəsul Ağazadə saxlanılıb.

Bundan başqa, Sabunçu RPİ 13-cü polis bölməsi əməkdaşlarının keçirdikləri əməliyyat-axtarış tədbirləri nəticəsində Bakıxanov qəsəbəsi ərazisindəki avtoyuma məntəqəsində,
qəsəbə sakini R.Paşayevin mobil telefonunu, həmçinin şirkətlərin birinə məxsus “Hyundai” markalı avtomobildən mobil telefon və planşet oğurlayan Bakı şəhər sakini, əvvəllər məhkum olunmuş Cavid Mahmudov saxlanılıb. Şəxsi axtarış zamanı ondan narkotik vasitə - heroin aşkar edilib.

Faktlarla bağlı CM-nin 177-ci (oğurluq) maddəsi ilə cinayət işləri başlanılıb.скачать dle 11.3