Median.Az xəbər verir ki, Gədəbəy RPŞ əməkdaşlarının keçirdikləri əməliyyat-axtarış tədbirləri nəticəsində sentyabrın 18-də rayon sakini Tural Nəsibovun 1 baş inəyini oğurlayan rayon sakini Aslan Tağıyev saxlanılıb. Araşdırma zamanı, onun ötən ilin iyun-iyul aylarında daha 3 nəfərə məxsus 5 baş atı kəndin otlaq sahəsindən oğurlaması məlum olub.
Bundan başqa, Ağstafa RPŞ-nin əməkdaşları keçirdikləri əməliyyat-axtarış tədbirləri nəticəsində oktyabrın 8-də Yaqub Abadovun yardımçı təsərrüfatından 12 baş qoyun oğurlayan rayon sakini Mahir Həsənovu saxlayıblar.
Hacıqabul RPŞ əməkdaşlarının keçirdikləri əməliyyat-axtarış tədbirləri nəticəsində oktyabrın 14-də R.Rzayevin həyətyanı sahəsindən 9 baş qoyun oğurlayan şəhər sakini, əvvəllər məhkum olunmuş Vidadi Qasımov saxlanılıb.
Faktlarla bağlı CM-nin 177-ci (oğurluq) maddəsi ilə istintaq aparılır.
Şahidi olduğunuz hadisələri çəkib bizə göndərin!
Son Əlavə