Median.Az xəbər verir ki, Xətai RPİ 35-ci polis bölməsinin əməkdaşları keçirdikləri əməliyyat tədbirləri nəticəsində avqustun 1-də Bakı şəhər sakini R.Musayevə məxsus “Mercedes” markalı avtomobildən 2250 manat oğurlayan paytaxt sakini olan bir yeniyetməni saxlayıblar.
Bundan başqa, Xətai RPİ 37-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində, iyulun 26-da rayon ərazisindəki evlərin birindən 2 ədəd televizor, noutbuk, DVD, tuner və 3 ədəd qol saatı oğurlayan İsmayıllı rayon sakini Fəxri Süleymanov saxlanılıb.
Xətai Rayon Mühafizə İdarəsi (RMİ) və 37-ci polis şöbəsinin əməkdaşları tərəfindən, ötən gün Babək prospektində yerləşən marketdən, Bakı şəhər sakini A.Səmədovaya məxsus içərisində 45 manat və mobil telefon olan pul kisəsini oğurlayan paytaxt sakini Mehman Aslanov saxlanılıb.
Xətai RPİ İstintaq şöbəsində faktlarla bağlı CM-nin 177-ci (oğurluq) maddəsi ilə cinayət işləri başlanılıb, istintaq gedir.
Şahidi olduğunuz hadisələri çəkib bizə göndərin!
Son Əlavə