Şəxsiyyət vəsiqəsinə görə yeni rüsum tətbiq edilir

Buna qədər 16 yaşına çatmamış uşaqlara şəxsiyyət vəsiqəsinin verilməsinə görə rüsum alınmırdı

Azərbaycanda 15 yaşı tamam olmamış vətəndaşa şəxsiyyət vəsiqəsinin verilməsinə və ya dəyişdirilməsinə görə rüsumlar təsdiqlənib.

Median.Az xəbər verir ki, bu, Azərbaycan prezidenti İlham Əliyevin bu gün imzaladığı “Dövlət rüsumu haqqında” Azərbaycan Respublikasının Qanununda dəyişikliklər edilməsi barədə” qanunun tətbiqi barədə sərəncamda əksini tapıb.

Qanuna əsasən, 15 yaşı tamam olmamış vətəndaşa şəxsiyyət vəsiqəsi 10 gün müddətində verildikdə və ya dəyişdirildikdə 4 manat, üç iş günü müddətində verildikdə və ya dəyişdirildikdə 20 manat, bir iş günü müddətində verildikdə və ya dəyişdirildikdə 25 manat dövlət rüsumu ödəniləcək.

Bu Qanun 2019-cu il yanvarın 1-dən qüvvəyə minir.

Qeyd edək ki, buna qədər 16 yaşına çatmamış uşaqlara şəxsiyyət vəsiqəsinin verilməsinə görə rüsum alınmırdı.скачать dle 11.3

Şahidi olduğunuz hadisələri çəkib bizə göndərin!