Fövqəladə Hallar Nazirliyinin (FHN) Dövlət Yanğın Nəzarəti Xidməti aprelin 11-nə təyin edilmiş prezident seçkiləri ərəfəsində seçki məntəqələrində yanğına qarşı növbəti maarifləndirmə tədbirləri keçirib.

FHN-dən verilən məlumata görə, Xidmətin əməkdaşları 10 saylı Binəqədi III, 23 saylı Nəsimi-Səbail seçki dairələrinin bir neçə seçki məntəqəsində olublar. Tədbirlərdə seçki məntəqələrinin yerləşdiyi binada köçürmə çıxışlarının bütün qapılarının otaqlardan çıxışa doğru sərbəst açılması, məntəqələrin ilkin odsöndürmə vasitələri ilə təmin olunması, məntəqə üzvlərinin binanın təxliyə yollarını, su hidratlarının yerinin əvvəlcədən öyrənib yadda saxlamaları, elektrik avadanlığının işlək vəziyyətdə nəzarətsiz qoymağın qadağan olması izah edilib.

Eyni zamanda, seçki məntəqələrinin yanğın təhlükəsizliyindən bəhs edən üç adda yaddaş vərəqələri paylanılıb, ilkin odsöndürən vasitələrdən istifadə qaydaları əyanı şəkildə nümayiş olunub.//Ölkə.azскачать dle 11.3