Sumqayıt Şəhər İcra Hakimiyyəti və Qızıl Aypara Cəmiyyəti (QAC) Sumqayıt şəhər bölməsinin birgə təşkilatçılığı ilə Novruz şənliyi keçirilib.
QAC Sumqayıt şəhər bölməsindən Xeberle.com-a bildirilib ki, tədbirə bölmənin himayə etdiyi 200 ahıl və müxtəlif cəmiyyətlərin 100 üzvü qatılıb.
Sumqayıt Şəhər İcra Hakimiyyəti başçısının müavini Teymur Səmədov və QAC Sumqayıt şəhər bölməsinin sədri Mətanət Məhərrəmova tədbir iştirakçılarını qarşıdan gələn Novruz bayramı münasibətilə təbrik ediblər. Bildirilib ki, cəmiyyətdə yardıma ən çox ehtiyacı olan insanlar dövlətin davamlı və hərtərəfli qayğısı ilə əhatə olunur və bu qayğı ildən-ilə artır. Onlara müxtəlif növ xidmətlərin göstərilməsi, maddi-məişət şəraitlərinin yaxşılaşdırılması, cəmiyyətə inteqrasiyası diqqət mərkəzində saxlanılır.
Tədbir bayram süfrəsi arxasında şəhər mədəniyyət müəssisələrinin yaradıcı kollektivlərinin hazırladığı konsert proqramı ilə davam edib.
Sonra şəhər icra hakimiyyətinin bayram sovqatı paylanılıb, yataq xəstələrinin sovqatları isə QAC könüllüləri tərəfindən onların evlərinə aparılıb.
Qeyd edək ki, SOCAR "Azərikimya” İstehsalat Birliyinin Müşahidə Şurasının sədri, Milli Məclisin deputatı Muxtar Babayev də QAC şəhər bölməsinin qeydiyyatında olan bir qrup ahılla görüşüb, onları təbrik edərək bayram sovqatı verib.
Şahidi olduğunuz hadisələri çəkib bizə göndərin!
Son Əlavə