Azərbaycanda ilk: sığorta mübahisələrinin həlli məhkəməsiz mümkün olacaq – VİDEO

Sığorta sahəsinin ən böyük problemi sığorta mübahisələridir ki, bu problemin birdəfəlik həll olunması üçün yeni üsul təklif olunur. Nəzərdə tutulan mediasiya modeli dünya təcrübəsində geniş istifadə olunur. Mediasiya dedikdə – Tərəflər arasında danışıqlar yolu ilə mübahisələrin həllinə nail olmaq prossesi nəzərdə tutulur.
 
Hazırda məhkəmələrdə kifayət qədər çox sığorta mübahisələrinin olduğunu deyən Azərbaycan Sığortaçılar Assosiasiyasının sədri Mustafa Abbasbəyli bildirir ki, bu prosses məhkəmə qanunvericiliyi ilə 3 instansiya keçir və problemin həlli 1 ildən çox vaxt aparır. Bu da nə sığorta şirkətlərinə, nə də sığortalılara sərf etmir. Mediasiya üsulu hə iki tərəfə bərabər şans verir və əsas üstünlüyü ondan ibarətdir ki, problemə çox qısa bir müddətdə baxılır. Yəni, prosses bir mərhələli olur və maksimum 1 gün çəkir. Bu təcrübə sığorta ödənişinin verilib-verilməməsi və ödənişin məbləğini özündə ehtiva edir.
 
Hazırda mediasiya ilə bağlı ixtisaslaşmış şirkətlərin axtarışı aparılır. Maliyyə Bazarlarına Nəzarət palatasının bu təcrübəyə olan münasibətini açıqladıqdan sonra, Sığortaçılar Assosıyasiyasi bu sahədə ən təcrübəli şirkətlə əməkdaşlıq edərək üsulu ölkədə tətbiq edəcək.
 
\\Xezerxeber