22:50 “Üstünlük bəlkə də rəqib tərəfdədir” - Qurban Qurbanov  |     22:41 "Green Card" üçün qeydiyyat niyə gecikir? - RƏSMİ CAVAB  |     22:30 Bu tarixdən etibarən ölkədə heyvan bazarları bağlanır  |     22:22 Türkiyə-Azərbaycan Universitetinin iki illik fəaliyyətinə dair hesabat təqdim edilib  |     22:17 Ərdoğan Körfəz ölkələrinə səfər edəcək  |     22:10 Ermənistan ordusunun Azərbaycanın mülki vətəndaşlarını qətlə yetirmələri ilə bağlı ifadələr elan olunub  |     22:03 Fərid Qayıbov COP10-un sədri SEÇİLDİ - FOTO  |     21:56 Hazırlığa apardığı məktəbliyə qeyri-etik hərəkətlər edən taksi sürücüsü həbs edildi  |     21:48 Naxçıvanda minlərlə turist öz evində qalıb - QƏRİBƏ STATİSTİKA  |     21:37 Bakıda iş adamı narkotiklə SAXLANILDI  |     21:22 Sabah bu ərazilərdə qaz olmayacaq  |     21:14 Füzulidə körpə ölü doğulub  |     21:06 “Mənə qalan qızım oldu...” - Xalq artisti  |     20:55 Zakir Həsənov Özbəkistana getdi  |     20:48 Xolesterin səviyyəsini aşağı salmağa kömək edən 12 qida  |     20:40 Ətin bişirilmə temperaturu virusların məhv olmasını təmin edir  |     20:33 Metronun bu stansiyasında interval 5 dəqiqə azaldıldı  |     20:28 Epizootik vəziyyət nəzarətdə saxlanılır  |     20:20 Bakıda taksi sürücüsü qarət edildi  |     20:12 Sabaha olan hava proqnozu  |    

Gəncə aeroportunda biabırçılıq: sərnişinlər ayaqyolu əvəzinə ağaclığa göndərilir (FOTO)

"Gəncə Beynəlxalq Hava Limanında sərnişinlərə göstərilən xidmət səviyyəsi olduqca aşağıdır. Səhər reysi ilə uçuş üçün 7-dən tez gələnlər qapıda saxlanılır".

Qaynarinfo xəbər verir ki, bu barədə jurnalist Elkin Xəlilov öz "Facebook" səhifəsində yazıb. O, vaxtından əvvəl getdiyi üçün soyuq havada aeroportun bağlı qapıları arxasında qaldığını, ayaqyolu əvəzinə mühafizəçinin ona ağaclığı göstərdiyini, hava limanının şəxsi mülk kimi işlədildiyini, həmçinin yüklərin aeroport işçiləri tərəfindən qanunsuz şəkildə açıldığını qeyd edib: 
 
"Mühafizəçinin otağına yaxınlaşdım ki, tualetə getmək istəyirəm. Yəqin ki, açıq tualet olar. Dedi o da bağıdır. Özünü ver ağaclığa. Burda özümü saxlaya bilmədim. Dedim, a kişi, nə danışırsan, nə ağaclıq? Bura ölkənin ikinci böyük şəhərinin aeroportudur. Ölkəyə gələn turistlərə də belə deyirsiniz? Dedi ki, vallah belədir. Elə mən özüm də gedirəm ağaclıq tərəfə...
 
Halbuki, Gəncə ən qədim tarixə malik şəhərlərimizdən biridir, Cümhuriyyətin ölkədə olan ilk paytaxtıdır, böyük sənaye şəhərdir. O boyda şəhərin aeroportunu obyekt kimi işlədirlər, saat 7-də açıb, axşam da bağlayırlar".

Bundan əlavə jurnalist Gəncə Beynəlxalq Hava Limanının normal bir sosial şəbəkə hesabının, e-mail adresinin və web saytının olmadığını bildirib. Dövlət qurumunun e-mail ünvanının "mail.ru" saytında açılması, həmçinin "@" işarəsinin (AT) şəklində yazılması isə sosial şəbəkə istifadəçiləri arasında tənqid olunub və savadsızlıq kimi göstərilib. "Aeraport-genja"nın isə hansı anlam daşıdığı isə məlum deyil. Azərbaycan dilində "aeraport" sözünün ikinci hərfinin o ilə yazıldığı hər kəsə məlumdur, həmçinin Gəncə şəhərinin adı isə beynəlxalq dildə "Ganja" yazılır ki, bu da heç bir çərçivəyə sığmır. (Aeroport haqqında məlumatlar isə ganja.az saytında yerləşdirilib - red.)
 
Məsələnin xırdalıqlarına çox da varmadan, bircə suala cavab tapmaq istərdik. Hava limanı saat 7-də açılıb, axşam saatlarında bağlana bilərmi?


Aeroportun məlumat bürosunun əməkdaşı Ceyran Əliyeva da bu problemin olduğunu və axırıncı reys uçandan sonra qapıların bağlandığını, səhər erkən gələn sərnişinlərin soyuqda gözləmək məcburiyyətində qaldıqları faktını təsdiqləyib: "Aeroport axırıncı reys uçandan sonra bağlanır. Məsələn, bu gün saat 18:00-da bağlanacaq. Səhər reysindən öncə gələnlər aeroport açılana qədər ya maşında gözləyirlər, ya da çox vaxt soyuqda qalmalı olurlar. Gəncədə belədir. Çox adam gələndə təəccüblənir ki, hava limanı beynəlxalq səviyyəlidir, amma necə olur ki, 24 saat işləmir?!"
скачать dle 11.3




Şahidi olduğunuz hadisələri çəkib bizə göndərin!




            1 785 16.01.18 15:14