Mojo.az — elanlar
RU
RU
Son Xəbərlər
23:01 Yerimə sürəti ömrün uzunluğundan xəbər verə bilər - Yeni araşdırma | 22:55 Hava limanında 20 min dollar tapan şəxslə bağlı qərar verildi | 22:50 Kirayə pulunu ödəmək üçün qapı oğurladı, 23 gün həbs edildi | 22:42 Payız yorğunluğundan xilas olmaq üçün 5 sadə məşq - Mütəxəssisdən tövsiyələr | 22:37 "Xəmsə" tüstüyə görə cərimələndi - 4800 manatlıq cərimə ləğv edildi | 22:30 Xəbəri olmadan adına şirkət açıldı, 634 min manat vergi borcu yarandı (VİDEO) | 22:24 Üzü daha gənc göstərən saç kəsimləri | 22:15 Qazaxıstan və Ermənistan TRIPP-i müzakirə etdi | 22:10 Yaponiyada güclü zəlzələ oldu | 22:03 Bakıda istehlaka yararsız süd məhsulları aşkarlandı | 21:58 Sabah Bakıda yağış yağacaq | 21:50 "Arxa oturacaqda 7 yaşlı qıza əxlaqsızlıq edərkən gördüm ki..." - 67 yaşlı kişidən iyrənc hərəkət | 21:45 Maliyyə yoxlamaları nəticəsində 106,9 mln. manat vəsait bərpa edilib | 21:38 Sosial şəbəkələrdə böhtan və təhqirə məruz qalanlar nə etməlidir? - Hakimdən izah | 21:33 Ərdoğanın keçmiş müavini həbs edildi | 21:26 Ötən ay avtobusla 54 milyona yaxın sərnişin daşınıb | 21:21 Tikinti zamanı ayağı sınan fəhlə "Avrasiya" MTK-dan şikayətçidir - VİDEO | 21:13 Atasından pul oğurlayıb qumar oynayırmış - Məhkəmə bu qərarı verdi | 21:07 "Polis erməni dilində danışmağımı görüb..." - Azərbaycanlı bloger | 21:01 Premyer Liqa: "Turan Tovuz" səfərdə "Qarabağ"a qalib gəlib |
Mojo.az Avto
Mojo.az Avto

Məktəbli forması şagirdlərin düşüncəsinə necə təsir edir? – AÇIQLAMA

12.10.2026 18:06 975
Məktəbli forması şagirdlərin düşüncəsinə necə təsir edir? – AÇIQLAMA
“Məktəblərdə şagirdlər və müəllimlər üçün təsdiqlənmiş vahid geyim qaydalarının əsas məqsədi təhsil mühitində bərabərliyin qorunması, nizam-intizamın gücləndirilməsi və diqqətin tədris prosesinə yönəldilməsidir. Bu qaydalar məktəbdaxili təlim-tərbiyə prinsiplərinin qorunmasına, intellektual inkişaf meyarlarının ön plana çəkilməsinə xidmət edir. Məsələnin mahiyyəti məhz bundan ibarətdir. Kimsə deyə bilər ki, vahid məktəbli geyim forması olmasaydı da, bu prinsipləri gücləndirmək mümkün idi. Xeyr, burada vahid məktəbli geyiminin fəlsəfəsini və mahiyyətini düzgün anlamaq lazımdır. Vahid məktəbli geyimi şagirdin özünü məktəb mühitinin ayrılmaz tərkib hissəsi kimi dərk etməsinə və bu düşüncənin onun şüuraltısında formalaşmasına kömək edir”.

Bunu Median.Az-a təhsil eksperti Elmin Nuri deyib.

O qeyd edib ki, pedaqogika dərin, fəlsəfi və psixoloji əsaslara malik bir sahədir:

“Pedaqoqların, alimlərin və bu sahənin mütəxəssislərinin yanaşmaları təsadüfi deyil. Buna görə də Nazirlər Kabineti tərəfindən təsdiqlənmiş vahid məktəbli geyimi qaydalarını müsbət yenilik kimi qəbul etmək lazımdır. Əslində, bu qaydalar əvvəllər də mövcud idi. Sadəcə, bu ilin sentyabrından həmin qaydalarla bağlı dəyişikliklər qüvvəyə minib. Bu dəyişikliklərin əsas məqsədi tədris meyarlarını gücləndirmək, şagirdləri vahid intellektual və intizam mühitinin iştirakçılarına çevirməkdir. Qaydalarda geyimlə bağlı bir sıra tələblər də müəyyən edilib. Dar və qısa geyimlərə, eləcə də bəzi zinət əşyalarına və əlavə aksesuarlara məhdudiyyətlər nəzərdə tutulub. Biz bu müsbət məqamları diqqətdə saxlamalıyıq. Eyni zamanda, milli və mənəvi dəyərlərə, klassik ənənələrə zidd olmayan, əksinə, milli yaddaşı və kimliyi yaşadan məqamları da nəzərdən qaçırmamalıyıq. Təəssüf ki, bəzən məsələnin mahiyyəti arxa plana keçir, müzakirələr başqa istiqamətə yönəlir. Nəticədə qaydaların müsbət tərəfləri kölgədə qalır. Bu isə arzuolunan yanaşma deyil”.

O bildirib ki, vahid məktəbli geyimi həm şagirdlər, həm də müəllimlər üçün mühüm əhəmiyyət daşıyır:

“Dünya təcrübəsi və klassik təhsil yanaşmaları da bu məsələnin əhəmiyyətini göstərir. Məktəb dünyəvi prinsiplərin, intellektual inkişafın və biliklərin mənimsənilməsinin ön planda olduğu bir mühitdir. Bu mühitdə hər bir uşağa bərabər yanaşılmalı, şagirdlər arasında geyim və digər zahiri göstəricilər əsasında fərqlərin qabardılmasına yol verilməməlidir. Bərabərlik prinsipi geyimdən tutmuş digər məktəbdaxili davranış və münasibət meyarlarına qədər öz əksini tapmalıdır. Biz hər zaman inanclı insanlara hörmətlə yanaşan bir cəmiyyətdə yaşamışıq və bu münasibətin gələcəkdə də qorunacağına inanıram. Bununla yanaşı, məktəbin özünəməxsus intellektual mühiti və tədris prinsipləri var. Bu məsələləri bir-birinə qarşı qoymaq və müzakirəni əsas məqsəddən uzaqlaşdırmaq düzgün deyil. Vahid məktəbli geyiminin tətbiqi təkcə nizam-intizamın təmin olunması və təhsil mühitində bərabərliyin qorunması ilə məhdudlaşmır. Burada ən mühüm məqamlardan biri də bütün şagirdlərdə eyni təhsil mühitinə mənsubiyyət hissinin formalaşdırılmasıdır. Başqa sözlə, uşaqların vahid məktəb mühitində özlərini bərabərhüquqlu iştirakçılar kimi hiss etmələri vacibdir”.

Aysel

Son xəbərlər