Qəhvə içmədən də rahatlaşmaq mümkündür: Sadəcə 5 dəqiqə qoxusunu içinə çəkmək kifayətdir.

Median.Az xəbər verir ki, Yaponiyada aparılan yeni araşdırma qəhvənin yalnız içilməsinin deyil, qoxusunun da insanın psixoloji vəziyyətinə təsir göstərə biləcəyini ortaya qoyub.

Showa Əczaçılıq Universitetinin alimləri 20-29 yaş aralığında olan könüllülərin qəhvə içmədən, yalnız təzə dəmlənmiş qəhvə aromasına məruz qaldıqları zaman beyin fəaliyyətini, ürək ritmini və psixoloji vəziyyətlərini izləyiblər.

Araşdırmanın nəticələrinə görə, cəmi 5 dəqiqə qəhvə qoxusunun olduğu mühitdə qalmaq iştirakçılarda narahatlıq, yorğunluq, çaşqınlıq və əhval-ruhiyyənin pisləşməsi ilə bağlı göstəricilərin azalması ilə əlaqələndirilib.

Tədqiqatçılar bildiriblər ki, qəhvə aroması insanda ani enerji artımı yaratmaqdan daha çox, mənfi emosiyaların və stressin azalmasına təsir göstərə bilər.

Portativ cihazlarla aparılan ölçmələr zamanı qəhvə qoxusunun beyin dalğalarında rahatlama göstəricisini artırdığı müəyyən edilib. Bununla belə, iştirakçıların ürək döyüntüsü və ürək ritminin dəyişkənliyində əhəmiyyətli fərq qeydə alınmayıb.

Mütəxəssislərin fikrincə, bu təsir birbaşa kafeinlə deyil, qoxu duyğusunun yaddaş və emosiyalarla sıx əlaqəsi ilə bağlı ola bilər. Qəhvə qoxusu insanda səhər rutini, istirahət və fasilə kimi müsbət assosiasiyalar yarada və bununla da psixoloji rahatlama hissini gücləndirə bilər.

Beləliklə, araşdırma qəhvəni içmədən, yalnız onun qoxusunun belə qısa müddətdə əhval-ruhiyyəyə və rahatlama hissinə təsir göstərə biləcəyini göstərir.\\azxeber.comскачать dle 11.3