Biləsuvarda toydan gələn piyadanı vuraraq öldürən avtomobilin sürücüsü SAXLANILDI (Yenilənib)

Biləsuvarda piyadanı vuraraq öldürən avtomobilin sürücüsü saxlanılıb.

Median.Az APA-ya istinadən xəbər verir ki, 1992-ci il təvəllüdlü Hüseyn Cəfərlinin idarə etdiyi VAZ-2107 markalı nəqliyyat vasitəsi yolu qarşı tərəfə keçmək istəyən piyada 1981-ci il təvəllüdlü Elçin Cabbarovu vurub. Piyada aldığı xəsarətlərdən hadisə yerində ölüb.

Hadisəni törətməkdə şübhəli bilinən sürücü H.Cəfərli saxlanılaraq istintaqa təhvil verilib.

İlkin məlumata görə, mərhum Elçin Cabbarov yaxınlıqdakı şadlıq saraylarının birində toyda olub. O, toydan çıxıb yolu əks istiqamətə keçmək istəyərkən hadisə baş verib.

Faktla bağlı araşdırma aparılır.

* * * * *

Biləsuvar rayonunda piyadanın ölümü ilə nəticələnən yol-nəqliyyat hadisəsi baş verib.

Median.Az "Qafqazinfo"ya istinadla xəbər verir ki, hadisə Biləsuvar şəhərində, Heydər Əliyev prospektində olub.

Belə ki, 1981-ci il təvəllüdlü Elçin Yaşar oğlu Cabbarov yolu keçərkən onu maşın vurub. Aldığı ağır xəsarətlər səbəbindən hadisə yerində ölüb.

Qeyd edək ki, E.Cabbarov hadisə baş verən yerin yaxınlığında yerləşən şadlıq evində toy məclisindən geri dönərkən qəzanın qurbanı olub.