"Təzə Bazar"da oğurluq: Müştəri kimi getdi, 1100 manatlıq telefon oğurladı
Nəsimi rayonunda fəaliyyət göstərən “Təzə Bazar”da oğurluq hadisəsi baş verib.
Müştəri kimi bazara daxil olan şəxs satıcının diqqətinin digər alıcılara yönəlməsindən istifadə edərək piştaxtanın üzərindəki 1100 manatlıq mobil telefonu götürüb. Daha sonra telefonu 123 manata sataraq əldə etdiyi pulu şəxsi ehtiyaclarına xərcləyib.
Hüquq-mühafizə orqanlarına müraciətdən sonra həmin şəxs saxlanılıb. Ona Cinayət Məcəlləsinin 177.1-ci (oğurluq) maddəsi ilə ittiham irəli sürülüb.
Cinayət işinə Nəsimi Rayon Məhkəməsində baxılıb.
Məhkəmə materiallarına əsasən, təqsirləndirilən şəxs kənd təsərrüfatı məhsullarının satıldığı bazara müştəri kimi daxil olub. Bir müddət piştaxtalara baxdıqdan sonra meyvə-tərəvəz satışı ilə məşğul olan şəxsin yanına yaxınlaşıb.
Həmin vaxt bazarda insanların sıxlığından və satıcının digər müştərilərə xidmət göstərməsindən istifadə edən şəxs piştaxtanın üzərində olan “Samsung Galaxy A56” markalı mobil telefonu gizli şəkildə götürərək ərazidən uzaqlaşıb.
Zərərçəkmiş şəxs telefonu yeni aldığını və üzərində hər hansı zədənin olmadığını bildirib. Onun sözlərinə görə, mobil telefonun dəyəri 1100 manat olub. Telefonun daxilində olan SIM kartın dəyəri isə 10 manat təşkil edib. Beləliklə, oğurluq nəticəsində zərərçəkmiş şəxsə ümumilikdə 1110 manat maddi ziyan dəyib.
Məhkəmədə ifadə verən təqsirləndirilən şəxs əməlini etiraf edib. O bildirib ki, bazarda satıcının başının digər müştərilərə qarışdığını görüb və həmin vaxt piştaxtanın üzərindəki telefonu götürüb.
Oğurluqdan bir neçə gün sonra telefonu “Neftçilər” metrostansiyası yaxınlığında tanımadığı şəxsə 123 manata satıb. Satış zamanı alıcıya telefonun özünə məxsus olduğunu deyib. Təqsirləndirilən şəxs daha sonra əldə etdiyi 123 manatı şəxsi ehtiyaclarına xərcləyib. Dəymiş zərəri isə ödəməyib.
Zərərçəkmiş şəxs istintaq zamanı bildirib ki, bazarda kənd təsərrüfatı məhsullarının satışı ilə məşğul olur. Hadisə günü iki müştəri ondan alış-veriş edib. O, sifarişləri hazırlamaq üçün mobil telefonunu piştaxtanın üzərinə qoyub. Bir neçə dəqiqə sonra telefonunun yerində olmadığını aşkar edib və hadisə barədə polisə məlumat verib.
Məhkəmə təqsirləndirilən şəxsin təqsirini özünün etirafı ilə yanaşı, zərərçəkmiş şəxsin ifadəsi və iş üzrə digər sübutlarla tam təsdiqlənmiş hesab edib.
Təqsirləndirilən şəxsin əməlindən peşman olması, cinayəti səmimi etiraf etməsi və himayəsində iki azyaşlı uşağının olması cəzanı yüngülləşdirən hallar kimi nəzərə alınıb.
Məhkəmənin hökmü ilə o, 1 il 9 ay müddətinə azadlıqdan məhrum edilib.
//qaynar.az
Müştəri kimi bazara daxil olan şəxs satıcının diqqətinin digər alıcılara yönəlməsindən istifadə edərək piştaxtanın üzərindəki 1100 manatlıq mobil telefonu götürüb. Daha sonra telefonu 123 manata sataraq əldə etdiyi pulu şəxsi ehtiyaclarına xərcləyib.
Hüquq-mühafizə orqanlarına müraciətdən sonra həmin şəxs saxlanılıb. Ona Cinayət Məcəlləsinin 177.1-ci (oğurluq) maddəsi ilə ittiham irəli sürülüb.
Cinayət işinə Nəsimi Rayon Məhkəməsində baxılıb.
Məhkəmə materiallarına əsasən, təqsirləndirilən şəxs kənd təsərrüfatı məhsullarının satıldığı bazara müştəri kimi daxil olub. Bir müddət piştaxtalara baxdıqdan sonra meyvə-tərəvəz satışı ilə məşğul olan şəxsin yanına yaxınlaşıb.
Həmin vaxt bazarda insanların sıxlığından və satıcının digər müştərilərə xidmət göstərməsindən istifadə edən şəxs piştaxtanın üzərində olan “Samsung Galaxy A56” markalı mobil telefonu gizli şəkildə götürərək ərazidən uzaqlaşıb.
Zərərçəkmiş şəxs telefonu yeni aldığını və üzərində hər hansı zədənin olmadığını bildirib. Onun sözlərinə görə, mobil telefonun dəyəri 1100 manat olub. Telefonun daxilində olan SIM kartın dəyəri isə 10 manat təşkil edib. Beləliklə, oğurluq nəticəsində zərərçəkmiş şəxsə ümumilikdə 1110 manat maddi ziyan dəyib.
Məhkəmədə ifadə verən təqsirləndirilən şəxs əməlini etiraf edib. O bildirib ki, bazarda satıcının başının digər müştərilərə qarışdığını görüb və həmin vaxt piştaxtanın üzərindəki telefonu götürüb.
Oğurluqdan bir neçə gün sonra telefonu “Neftçilər” metrostansiyası yaxınlığında tanımadığı şəxsə 123 manata satıb. Satış zamanı alıcıya telefonun özünə məxsus olduğunu deyib. Təqsirləndirilən şəxs daha sonra əldə etdiyi 123 manatı şəxsi ehtiyaclarına xərcləyib. Dəymiş zərəri isə ödəməyib.
Zərərçəkmiş şəxs istintaq zamanı bildirib ki, bazarda kənd təsərrüfatı məhsullarının satışı ilə məşğul olur. Hadisə günü iki müştəri ondan alış-veriş edib. O, sifarişləri hazırlamaq üçün mobil telefonunu piştaxtanın üzərinə qoyub. Bir neçə dəqiqə sonra telefonunun yerində olmadığını aşkar edib və hadisə barədə polisə məlumat verib.
Məhkəmə təqsirləndirilən şəxsin təqsirini özünün etirafı ilə yanaşı, zərərçəkmiş şəxsin ifadəsi və iş üzrə digər sübutlarla tam təsdiqlənmiş hesab edib.
Təqsirləndirilən şəxsin əməlindən peşman olması, cinayəti səmimi etiraf etməsi və himayəsində iki azyaşlı uşağının olması cəzanı yüngülləşdirən hallar kimi nəzərə alınıb.
Məhkəmənin hökmü ilə o, 1 il 9 ay müddətinə azadlıqdan məhrum edilib.
//qaynar.az
