Telefon mağazasından 1800 manatlıq "iPhone" oğurlandı
Bakının Nizami rayonunda fəaliyyət göstərən "Yusif Telekom” adlı mağazadan oğurluq hadisəsi baş verib.
Qaynarinfo xəbər verir ki, mağazadan dəyəri 1800 manat olan "iPhone 15 Pro” markalı mobil telefon oğurlanıb.
Oğurluğu mağazaya müştəri qismində gələn şəxs törədib. Hüquq-mühafizə orqanlarına müraciətdən sonra həmin şəxs saxlanılıb. Ona Cinayət Məcəlləsinin 177.2.3-cü (Oğurluq - yaşayış sahəsinə, habelə binaya, anbara və ya başqa saxlanc yerlərinə qanunsuz daxil olmaqla törədildikdə) maddəsi ilə ittiham elan edilib və barəsində başqa yerə getməmək haqqında iltizam qətimkan tədbiri seçilib.
Cinayət işinə Nizami Rayon Məhkəməsində hakim Mətanət Hacıyevanın sədrliyi ilə baxılıb. Məhkəmə zamanı müttəhim verilmiş ittiham üzrə özünü təqsirli bilib. Həmçinin məlum olub ki, oğurlanmış telefon mağazaya qaytarılıb. Bu baxımdan zərərçəkmiş təqsirləndirilən şəxsə qarşı heç bir şikayət və tələbinin olmadığını bildirib.
Məhkəmənin hökmü ilə təqsirləndirilən şəxsə 1 il 10 ay müddətinə azadlığın məhdudlaşdırılması cəzası təyin edilib.
Qaynarinfo xəbər verir ki, mağazadan dəyəri 1800 manat olan "iPhone 15 Pro” markalı mobil telefon oğurlanıb.
Oğurluğu mağazaya müştəri qismində gələn şəxs törədib. Hüquq-mühafizə orqanlarına müraciətdən sonra həmin şəxs saxlanılıb. Ona Cinayət Məcəlləsinin 177.2.3-cü (Oğurluq - yaşayış sahəsinə, habelə binaya, anbara və ya başqa saxlanc yerlərinə qanunsuz daxil olmaqla törədildikdə) maddəsi ilə ittiham elan edilib və barəsində başqa yerə getməmək haqqında iltizam qətimkan tədbiri seçilib.
Cinayət işinə Nizami Rayon Məhkəməsində hakim Mətanət Hacıyevanın sədrliyi ilə baxılıb. Məhkəmə zamanı müttəhim verilmiş ittiham üzrə özünü təqsirli bilib. Həmçinin məlum olub ki, oğurlanmış telefon mağazaya qaytarılıb. Bu baxımdan zərərçəkmiş təqsirləndirilən şəxsə qarşı heç bir şikayət və tələbinin olmadığını bildirib.
Məhkəmənin hökmü ilə təqsirləndirilən şəxsə 1 il 10 ay müddətinə azadlığın məhdudlaşdırılması cəzası təyin edilib.
