Binəqədi rayonunda fəaliyyət göstərən "Lake" otelində oğurluq hadisəsi baş verib.
Qaynarinfo-nun məlumatına görə, otelin 1, 2, 3, 4 və 5 saylı kotteclərində istirahət edən müştərilərin pulları oğurlanıb. Onlara dəymiş ziyan ümumilikdə 4183 manat təşkil edir.
Hüquq-mühafizə orqanlarına müraciətdən sonra hadisə ilə bağlı otelin ofisiantlarından biri şübhəli şəxs qismində saxlanılıb. Daha sonra ona Cinayət Məcəlləsinin 177.2.2 (Oğurluq - təkrar törədildikdə ) və 177.2.3-cü (Oğurluq -yaşayış sahəsinə, habelə binaya, anbara və ya başqa saxlanc yerlərinə qanunsuz daxil olmaqla törədildikdə) maddələri ilə ittiham elan edilib. Həmçinin məhkəmin qərarı ilə barəsində həbs qətimkan tədbiri seçilib.
Cinayət işinə Binəqədi Rayon Məhkəməsində hakim Vüsal Tağıyevin sədrliyi ilə baxılıb. Təqsirləndirilən şəxs məhkəmə baxışında əvvəlcə özünü təqsirli bilməyib. Lakin sonrakı prosesində əməlini etiraf edib.
Məhkəmənin hökmü ilə ona 2 il müddətinə azadlıqdan məhrum etmə cəzası təyin edilib.
Şahidi olduğunuz hadisələri çəkib bizə göndərin!
Son Əlavə