Onlar 2033-cü ilə qədər bu rüsumlardan azaddır

Qarabağ və Şərqi Zəngəzur iqtisadi rayonlarında vergi uçotuna alınan və bilavasitə həmin ərazilərdə fəaliyyət göstərən hüquqi və fiziki şəxslər 2033-cü il yanvarın 1-ə kimi müvafiq iqtisadi fəaliyyət sahələri üzrə texnika, texnoloji avadanlıq və qurğuların, habelə xammal və materialların idxalı zamanı əlavə dəyər vergisindən (ƏDV) və gömrük rüsumundan azaddırlar.

Bunu İqtisadiyyat Nazirliyinin şöbə müdirinin müavini Fariz Əhmədov Baku TV-yə deyib.

Onun sözlərinə görə, sahibkarlıq subyektlərindən mənfəət, əmlak, torpaq və sadələşdirilmiş vergilər üzrə azadolmalar tətbiq edilir.