Vətəndaşların ad-soyadını qanunsuz dəyişdirən rəislə bağlı YENİ QƏRAR
Ali Məhkəmədə rüşvətalmada və vəzifəli şəxsin qərarına qanunsuz təsir göstərmədə (nüfuz alveri) təqsirləndirilən Elşən Quliyevin barəsindəki qərardan verilən kassasiya şikayəti üzrə məhkəmə iclası başa çatıb.
Median.Az Pravda.az-a istinadla xəbər verir ki, hakim İlkin Abdullayevin sədrliyi ilə keçirilən prosesdə qərar elan olunub.
Qərara əsasən, kassasiya şikayəti qismən təmin edilib, Gəncə Apellyasiya Məhkəməsinin qərarı və Gəncə Ağır Cinayətlər Məhkəməsinin hökmü dəyişdirilib. Həmin məhkəmə aktlarından Elşən Quliyev Cinayət Məcəlləsinin 312-1.1-ci maddəsi ilə təqsirli bilindiyi əməl üzrə Cinayət Məcəlləsinin 61.1.13-cü maddəsinə əsasən, cinayətin qulluq mövqeyinə görə göstərilən etimaddan istifadə edilməklə törədilməsinin cəzanı ağırlaşdıran hal kimi nəzərə alınmasına dair müddəa xaric olunub. Qərar qalan hissədə dəyişdirilmədən saxlanılıb.
Rəsmi məlumata görə, bu ilin fevralında Baş prokuror yanında Korrupsiyaya qarşı Mübarizə Baş İdarəsi əməliyyat keçirib, Yevlax Rayon Qeydiyyat Şöbəsinin sabiq rəisi Elşən Quliyev həbs olunub.
Bildirilib ki, istintaq zamanı Elşən Quliyev qeyd edilən vəzifədə işləyərkən ayrı-ayrı şəxslərə ad və soyadı dəyişdirilməklə doğum haqqında yeni şəhadətnamənin verilməsi müqabilində 4 min manat pul vəsaitini rüşvət almaqda, həmçinin təsir imkanlarından istifadə edərək barəsində ibtidai istintaq aparılan təqsirləndirilən şəxsin digər dövlət qurumlarının ölkədən çıxışına qoyduğu qadağanın götürülməsi müqabilində 8 min manat pul almaqla vəzifəli şəxsin qərarına qanunsuz təsir etməkdə şübhəli bilinib.
Elşən Quliyev şübhəli şəxs qismində tutulub və ona Cinayət Məcəlləsinin 311.3.2 (rüşvətalma - təkrar törədildikdə) və 312-1.1-ci (vəzifəli şəxsin qərarına qanunsuz təsir göstərmə - nüfuz alveri) maddələri ilə ittiham elan edilməklə, barəsində istintaq orqanının vəsatəti və prokurorun təqdimatı əsasında məhkəmənin qərarı ilə həbs qətimkan tədbiri seçilib.
Gəncə Ağır Cinayətlər Məhkəməsinin hökmü ilə o, 9 il müddətinə azadlıqdan məhrum edilib. Gəncə Apellyasiya Məhkəməsinin qərarına əsasən, apellyasiya şikayəti qismən təmin edilib, Elşən Quliyevin cəzası 8 il 6 aya endirilib.
Median.Az Pravda.az-a istinadla xəbər verir ki, hakim İlkin Abdullayevin sədrliyi ilə keçirilən prosesdə qərar elan olunub.
Qərara əsasən, kassasiya şikayəti qismən təmin edilib, Gəncə Apellyasiya Məhkəməsinin qərarı və Gəncə Ağır Cinayətlər Məhkəməsinin hökmü dəyişdirilib. Həmin məhkəmə aktlarından Elşən Quliyev Cinayət Məcəlləsinin 312-1.1-ci maddəsi ilə təqsirli bilindiyi əməl üzrə Cinayət Məcəlləsinin 61.1.13-cü maddəsinə əsasən, cinayətin qulluq mövqeyinə görə göstərilən etimaddan istifadə edilməklə törədilməsinin cəzanı ağırlaşdıran hal kimi nəzərə alınmasına dair müddəa xaric olunub. Qərar qalan hissədə dəyişdirilmədən saxlanılıb.
Rəsmi məlumata görə, bu ilin fevralında Baş prokuror yanında Korrupsiyaya qarşı Mübarizə Baş İdarəsi əməliyyat keçirib, Yevlax Rayon Qeydiyyat Şöbəsinin sabiq rəisi Elşən Quliyev həbs olunub.
Bildirilib ki, istintaq zamanı Elşən Quliyev qeyd edilən vəzifədə işləyərkən ayrı-ayrı şəxslərə ad və soyadı dəyişdirilməklə doğum haqqında yeni şəhadətnamənin verilməsi müqabilində 4 min manat pul vəsaitini rüşvət almaqda, həmçinin təsir imkanlarından istifadə edərək barəsində ibtidai istintaq aparılan təqsirləndirilən şəxsin digər dövlət qurumlarının ölkədən çıxışına qoyduğu qadağanın götürülməsi müqabilində 8 min manat pul almaqla vəzifəli şəxsin qərarına qanunsuz təsir etməkdə şübhəli bilinib.
Elşən Quliyev şübhəli şəxs qismində tutulub və ona Cinayət Məcəlləsinin 311.3.2 (rüşvətalma - təkrar törədildikdə) və 312-1.1-ci (vəzifəli şəxsin qərarına qanunsuz təsir göstərmə - nüfuz alveri) maddələri ilə ittiham elan edilməklə, barəsində istintaq orqanının vəsatəti və prokurorun təqdimatı əsasında məhkəmənin qərarı ilə həbs qətimkan tədbiri seçilib.
Gəncə Ağır Cinayətlər Məhkəməsinin hökmü ilə o, 9 il müddətinə azadlıqdan məhrum edilib. Gəncə Apellyasiya Məhkəməsinin qərarına əsasən, apellyasiya şikayəti qismən təmin edilib, Elşən Quliyevin cəzası 8 il 6 aya endirilib.
