Bu tarixdə Ay tutulması 4 bürcün həyatını dəyişəcək – Astroloqdan AÇIQLAMA
28 avqustda Balıq bürcündə baş verəcək qismən Ay tutulması ilə bağlı artıq müxtəlif astroloji proqnozlar yayılır və tutulmanın ayrı-ayrı bürclərə təsir göstərəcəyi iddia olunur. Bəs “Qanlı Ay” tutulması həqiqətən bütün insanlara bürcünə görə təsir edirmi, yoxsa burada əsas amil fərdi doğum xəritəsidir? Astroloqlar tutulmanın təsirini yalnız Günəş bürcü ilə deyil, insanın doğum tarixi, saatı, məkanı, yüksələni və doğum xəritəsində Ay tutulmasının düşdüyü ev və planetlərlə əlaqələndirirlər. Digər tərəfdən, tutulmaların insanlarda baş ağrısı, əhval dəyişiklikləri və digər fiziki və psixoloji təsirlər yaratdığı ilə bağlı fikirlər də səsləndirilir. Bəs bunların elmi əsası varmı? Xüsusi olaraq hansı bürclər bu tutulmadan daha çox təsirlənə bilər və bunun səbəbi nədir?
Mövzu ilə bağlı Median.Az-a danışan azərbaycanlı astroloq Sabirə Cəfər bildirib ki, bu tutulmanın ilkin fazası 12 avqustda yaşanıb, proses 28 avqustda Ay tutulması ilə tamamlanacaq.
Astroloqun sözlərinə görə, 28 avqustda Balıq bürcünün 4-cü dərəcəsində Ay tutulması baş verəcək.
Mütəxəssis qeyd edib ki, astrologiyada Günəş tutulmaları yeni başlanğıcları və yenilikləri, Ay tutulmaları isə tamamlanmaları və bitişləri təmsil edir. Bunun səbəbi Ay tutulmasının yalnız Dolunay fazasında baş verməsidir. Bu səbəbdən həmin dövrdə tamamlanma və bitiş mövzuları daha çox ön plana çıxır.
Sabirə Cəfər əlavə edib ki, tutulmanın təsirləri təxminən 6 aylıq dövrü əhatə edir. Natal xəritəsində Balıq, Qız, Əkizlər və Oxatan bürcləri vurğulu olan insanlar – yəni Günəş, Ay və ya yüksələn bürcü bu işarələrdə yerləşən şəxslər – tutulmadan daha çox təsirlənə bilərlər.
Tutulmanın mümkün təsirlərindən danışan Astroloq deyib:
"Əsrlər boyu insanlar tutulmalardan qorxublar. Onlar düşünüblər ki, tutulmalar pis hadisələr gətirəcək. Amma bu, hər zaman belə olmur. Təbii ki, hər kəsin natal xəritəsinə görə tutulmanın təsir göstərəcəyi sahə və verəcəyi nəticə fərdidir. Ümumilikdə isə xidmət etməyən, bitməsi lazım olan və insanın öz iradəsi ilə sonlandıra bilmədiyi bir çox prosesin Ay tutulmaları ilə tamamlanması mümkündür".
Astroloqun fikrincə, insanın həyat məqsədlərinə xidmət etməyən, lakin sonlandıra bilmədiyi münasibətlər də belə dövrlərdə gündəmə gələ bilər. Tutulma həmin münasibəti bitirmək üçün səbəblər yarada və ya mövcud problemləri daha qabarıq şəkildə insanın qarşısına çıxara bilər.
Sabirə Cəfər hesab edir ki, təsirlər yalnız münasibətlərlə məhdudlaşmır. Xidmət etməyən iş həyatının sona çatması, insanın özünü xoşbəxt hiss etmədiyi, hətta ölkəni tərk etməsi kimi dəyişikliklər də mümkün ssenarilər sırasında göstərilir.
Sağlamlıq məsələsinə də toxunan astroloq sonda vurğulayıb:
"Çox nadir hallarda, xüsusilə xəritənin müəyyən bölgələrindən təsirlər alındıqda, Ay ailəni təmsil etdiyi üçün ailədəki yaşlı fiqurların sağlamlıqla bağlı problemlər də gündəmə gələ bilər. Lakin xüsusi olaraq hər kəs üçün katastrofik bir təsirin olacağını demək doğru deyil. Çünki xəritədə bu bürclərdə hər hansı yerləşim yoxdursa və qeyd etdiyim bürclərin tutulmanın baş verdiyi dərəcə ilə uyğunlaşan dərəcəsində planet və ya digər göstərici yerləşməyibsə, bu tutulma insan üçün tamamilə təsirsiz də ötüşə bilər. Buna görə tutulmadan qorxmağa ehtiyac yoxdur".
Dəniz Pənahova
Median.Az
Mövzu ilə bağlı Median.Az-a danışan azərbaycanlı astroloq Sabirə Cəfər bildirib ki, bu tutulmanın ilkin fazası 12 avqustda yaşanıb, proses 28 avqustda Ay tutulması ilə tamamlanacaq.
Astroloqun sözlərinə görə, 28 avqustda Balıq bürcünün 4-cü dərəcəsində Ay tutulması baş verəcək.
Mütəxəssis qeyd edib ki, astrologiyada Günəş tutulmaları yeni başlanğıcları və yenilikləri, Ay tutulmaları isə tamamlanmaları və bitişləri təmsil edir. Bunun səbəbi Ay tutulmasının yalnız Dolunay fazasında baş verməsidir. Bu səbəbdən həmin dövrdə tamamlanma və bitiş mövzuları daha çox ön plana çıxır.Sabirə Cəfər əlavə edib ki, tutulmanın təsirləri təxminən 6 aylıq dövrü əhatə edir. Natal xəritəsində Balıq, Qız, Əkizlər və Oxatan bürcləri vurğulu olan insanlar – yəni Günəş, Ay və ya yüksələn bürcü bu işarələrdə yerləşən şəxslər – tutulmadan daha çox təsirlənə bilərlər.
Tutulmanın mümkün təsirlərindən danışan Astroloq deyib:"Əsrlər boyu insanlar tutulmalardan qorxublar. Onlar düşünüblər ki, tutulmalar pis hadisələr gətirəcək. Amma bu, hər zaman belə olmur. Təbii ki, hər kəsin natal xəritəsinə görə tutulmanın təsir göstərəcəyi sahə və verəcəyi nəticə fərdidir. Ümumilikdə isə xidmət etməyən, bitməsi lazım olan və insanın öz iradəsi ilə sonlandıra bilmədiyi bir çox prosesin Ay tutulmaları ilə tamamlanması mümkündür".
Astroloqun fikrincə, insanın həyat məqsədlərinə xidmət etməyən, lakin sonlandıra bilmədiyi münasibətlər də belə dövrlərdə gündəmə gələ bilər. Tutulma həmin münasibəti bitirmək üçün səbəblər yarada və ya mövcud problemləri daha qabarıq şəkildə insanın qarşısına çıxara bilər.
Sabirə Cəfər hesab edir ki, təsirlər yalnız münasibətlərlə məhdudlaşmır. Xidmət etməyən iş həyatının sona çatması, insanın özünü xoşbəxt hiss etmədiyi, hətta ölkəni tərk etməsi kimi dəyişikliklər də mümkün ssenarilər sırasında göstərilir.
Sağlamlıq məsələsinə də toxunan astroloq sonda vurğulayıb:
"Çox nadir hallarda, xüsusilə xəritənin müəyyən bölgələrindən təsirlər alındıqda, Ay ailəni təmsil etdiyi üçün ailədəki yaşlı fiqurların sağlamlıqla bağlı problemlər də gündəmə gələ bilər. Lakin xüsusi olaraq hər kəs üçün katastrofik bir təsirin olacağını demək doğru deyil. Çünki xəritədə bu bürclərdə hər hansı yerləşim yoxdursa və qeyd etdiyim bürclərin tutulmanın baş verdiyi dərəcə ilə uyğunlaşan dərəcəsində planet və ya digər göstərici yerləşməyibsə, bu tutulma insan üçün tamamilə təsirsiz də ötüşə bilər. Buna görə tutulmadan qorxmağa ehtiyac yoxdur".
Dəniz Pənahova
Median.Az
