İsveçdə məktəbə silahlı hücum: Xəsarət alanlar var

İsveçin Vestmanland əyalətində maçete ilə silahlanmış şəxs məktəbə daxil olaraq bir neçə nəfərə xəsarət yetirib.

Median.Az SVT telekanalına istinadən xəbər verir ki, insidentin baş verdiyi əraziyə dərhal hüquq-mühafizə orqanlarının əməkdaşları və xilasedicilər çağırılıblar.

Məlumata əsasən, hücum edən şəxs asayiş keşikçiləri tərəfindən yaxalanıb.

"Bölgədə müvafiq tədbirlər davam edir, indiki məqamda əlavə heç nə deyə bilmərik", - deyə yerli polisdən bildirilib.

Hazırda əraziyə təcili tibbi yardım maşınları, polis qüvvələri və xüsusi helikopter cəlb olunub, polisin çevik reaksiya qrupu da hadisə yerindədir.

İsveçin ədliyyə naziri Qunnar Stremmer məsələyə münasibət bildirərək, hökumətin asayiş keşikçiləri ilə daim təmasda olduğunu və hadisələrin inkişafını diqqətdə saxladığını vurğulayıb.