ABŞ Futbol Federasiyası FIFA-nın idarəetmə strukturunda dəyişikliklərə çağırdı

ABŞ Futbol Federasiyası FIFA-nı idarəetmə strukturunda dəyişikliklərə çağırıb.

Bu barədə federasiyasının mətbuat xidməti məlumat yayıb.

"ABŞ Futbol Federasiyası, Kanada Futbol Federasiyası, Karib Futbol İttifaqı və Mərkəzi Amerika Futbol İttifaqı digər həmkarları ilə birlikdə FIFA-nı idarəetmə, şəffaflıq və hesabatlılığı gücləndirəcək mühüm dəyişikliklərə çağırır", - deyə federasiyanın bəyanatında bildirilib.

Qeyd edək ki, daha əvvəl UEFA, CONCACAF və AFC FIFA prezidenti Canni İnfantinonun fəaliyyətinin müstəqil şəkildə araşdırılmasını tələb edib.