Rusiya qoşunları "Naftogaz" qrupuna daxil olan "Ukrnafta" SC-nin obyektlərinə kütləvi hücum həyata keçirərək Ukraynanın şərqində yerləşən yeddi neft və qaz hasilatı obyektinə zərbələr endiriblər.

Median.Az bu barədə "Naftogaz" qrupunun saytına istinadən xəbər verir.

Şirkətin məlumatına əsasən, hücum nəticəsində kritik əhəmiyyətli avadanlıqlar məhv edilib. Bu isə bir sıra istehsalat obyektlərinin fəaliyyətinin dayanmasına və hasilat həcminin əhəmiyyətli dərəcədə azalmasına səbəb olub.

"Naftogaz"ın İdarə Heyəti sədrinin müavini Sergey Fedorenko qeyd edib ki, bu, son dövrlərdə "Ukrnafta" obyektlərinə endirilən ən kütləvi zərbə olub.

"Xoşbəxtlikdən, xəsarət alan yoxdur", - deyə o vurğulayıb.

Bundan əlavə, ötən sutka ərzində Rusiya qoşunları Zaporojye və Dnepropetrovsk vilayətlərində "Ukrnafta"nın dörd yanacaqdoldurma kompleksinə hücum ediblər. Şirkətin məlumatına görə, bu hücumlar nəticəsində də xəsarət alan olmayıb.

"Naftogaz"dan xatırladıblar ki, 2026-cı ilin əvvəlindən bəri Rusiya zərbələri nəticəsində "Ukrnafta"nın artıq 32 yanacaqdoldurma kompleksi və "Ukrqazvıdobuvannya" SC-nin beş istehsalat obyekti məhv edilib.скачать dle 11.3