Hər beş Z nəslindən biri iş müsahibəsinə valideynləri ilə gəlir - WSJ
Z nəslinə mənsub gənclərin işə qəbul prosesində valideynlərinin fəal iştirakı ABŞ-da işəgötürənlər arasında narahatlıq doğurur.
Qaynarinfo "The Wall Street Journal"a istinadən xəbər verir ki, bəzi valideynlər övladları adından vakansiyalara müraciət edir, işəgötürənlərlə əlaqə saxlayır, hətta iş müsahibələrində iştirak edirlər.
Nəşr Alyaskanın Ferbanks şəhərində fəaliyyət göstərən kadr şirkətinin əməliyyat direktoru Stiven Klarkın təcrübəsini nümunə göstərir. Onun sözlərinə görə, işə başladığı ilk həftə ərzində dörd dəfə gecikən və ya ümumiyyətlə işə gəlməyən 24 yaşlı əməkdaş işdən çıxarıldıqdan sonra, həmin əməkdaşın anası zəng edərək oğluna daha bir şans verilməsini istəyib. Klark bildirib ki, söhbət qısa müddətdə mübahisəyə çevrilib.
Valideynlər iş axtarışının bütün mərhələlərinə qoşulurlar
Məqalədə qeyd olunur ki, işəgötürənlər artıq valideynlərin övladlarını iş axtarışının demək olar ki, bütün mərhələlərində müşayiət etməsi ilə daha tez-tez rastlaşırlar.
"Zety" karyera xidmətinin məsləhətçisi Jasmin Eskaleranın sözlərinə görə, əgər COVID-19 pandemiyasından sonra bu, əsasən müsahibələrdə iştirakla məhdudlaşırdısa, indi bəzi hallarda valideynlər övladlarının karyerasını birgə idarə edirlər.
Stiven Klark deyir ki, belə hallara artıq öyrəşib
"İlk dəfə belə hadisə ilə qarşılaşanda çox təəccübləndim. İndi isə sadəcə düşünürəm: "Yenə başladı".
HR mütəxəssisləri bu davranışı qəbul etmir
Məqaləyə görə, valideynlər işə qəbul üzrə menecerlərə zəng edərək müraciətlərin vəziyyəti ilə maraqlanır, əməkhaqqı və sosial təminat paketini müzakirə edir, hətta onlayn müsahibələr zamanı kameradan kənarda dayanaraq övladlarına cavab verməkdə kömək edirlər.
Lonq-Aylenddə yerləşən böyük tibb sisteminin işə qəbul direktoru Linn Alba hesab edir ki, bu cür davranış yolverilməzdir.
"Valideynlər övladlarının adından müraciətin vəziyyətini öyrənmək və ya işəgötürənə suallar vermək üçün zəng etməməlidirlər", deyə o bildirib.
Valideynlər bunu övladlarına dəstək kimi qiymətləndirirlər
Bəzi valideynlər isə hesab edirlər ki, övladları sosial narahatlıq yaşayırsa, ədalətsiz münasibətlə üzləşirsə və ya toksik rəhbərlə işləyirsə, onların müdaxiləsi haqlıdır.
Onların bir qismi bu yardımı ailədaxili dəstəyin və peşəkar əlaqələrin paylaşılmasının təbii davamı kimi qiymətləndirir.
Rekruterlər bunun mənfi təsir göstərdiyini deyirlər
İşə qəbul üzrə mütəxəssislər bildirirlər ki, valideynlərin həddindən artıq iştirakı namizəd haqqında mənfi təəssürat yaradır. Bu, onun kifayət qədər müstəqil olmadığını göstərə və işəgötürəndə gələcəkdə ailə üzvləri ilə də ünsiyyət qurmalı olacağı barədə narahatlıq yarada bilər.
Onların sözlərinə görə, belə yanaşma iş əldə etmək şansını da demək olar ki, artırmır.
"Zety"nin 1000-dən çox Z nəsli nümayəndəsi arasında keçirdiyi sorğunun nəticələrinə əsasən, respondentlərin 20 faizi ən azı bir dəfə iş müsahibəsinə valideynləri ilə birlikdə qatıldıqlarını bildirib.
Məsələnin geniş yayılması səbəbindən bu mövzu ABŞ-ın İnsan Resurslarının İdarə Edilməsi Cəmiyyətinin (SHRM) milli konfransında da müzakirə olunub.
Missuri Universitetinin məzunu Pol "Pi Bi" Brenson isə hesab edir ki, həddindən artıq valideyn himayəsi onun nəslinin nüfuzuna zərər vurur.
"Bu tendensiya həqiqətən də bizim nəslə ziyan vurub və sanki hər addımda bizə rəhbərlik edilməsinə ehtiyac varmış kimi bir stereotip formalaşdırıb", deyə o bildirib.
Qaynarinfo "The Wall Street Journal"a istinadən xəbər verir ki, bəzi valideynlər övladları adından vakansiyalara müraciət edir, işəgötürənlərlə əlaqə saxlayır, hətta iş müsahibələrində iştirak edirlər.
Nəşr Alyaskanın Ferbanks şəhərində fəaliyyət göstərən kadr şirkətinin əməliyyat direktoru Stiven Klarkın təcrübəsini nümunə göstərir. Onun sözlərinə görə, işə başladığı ilk həftə ərzində dörd dəfə gecikən və ya ümumiyyətlə işə gəlməyən 24 yaşlı əməkdaş işdən çıxarıldıqdan sonra, həmin əməkdaşın anası zəng edərək oğluna daha bir şans verilməsini istəyib. Klark bildirib ki, söhbət qısa müddətdə mübahisəyə çevrilib.
Valideynlər iş axtarışının bütün mərhələlərinə qoşulurlar
Məqalədə qeyd olunur ki, işəgötürənlər artıq valideynlərin övladlarını iş axtarışının demək olar ki, bütün mərhələlərində müşayiət etməsi ilə daha tez-tez rastlaşırlar.
"Zety" karyera xidmətinin məsləhətçisi Jasmin Eskaleranın sözlərinə görə, əgər COVID-19 pandemiyasından sonra bu, əsasən müsahibələrdə iştirakla məhdudlaşırdısa, indi bəzi hallarda valideynlər övladlarının karyerasını birgə idarə edirlər.
Stiven Klark deyir ki, belə hallara artıq öyrəşib
"İlk dəfə belə hadisə ilə qarşılaşanda çox təəccübləndim. İndi isə sadəcə düşünürəm: "Yenə başladı".
HR mütəxəssisləri bu davranışı qəbul etmir
Məqaləyə görə, valideynlər işə qəbul üzrə menecerlərə zəng edərək müraciətlərin vəziyyəti ilə maraqlanır, əməkhaqqı və sosial təminat paketini müzakirə edir, hətta onlayn müsahibələr zamanı kameradan kənarda dayanaraq övladlarına cavab verməkdə kömək edirlər.
Lonq-Aylenddə yerləşən böyük tibb sisteminin işə qəbul direktoru Linn Alba hesab edir ki, bu cür davranış yolverilməzdir.
"Valideynlər övladlarının adından müraciətin vəziyyətini öyrənmək və ya işəgötürənə suallar vermək üçün zəng etməməlidirlər", deyə o bildirib.
Valideynlər bunu övladlarına dəstək kimi qiymətləndirirlər
Bəzi valideynlər isə hesab edirlər ki, övladları sosial narahatlıq yaşayırsa, ədalətsiz münasibətlə üzləşirsə və ya toksik rəhbərlə işləyirsə, onların müdaxiləsi haqlıdır.
Onların bir qismi bu yardımı ailədaxili dəstəyin və peşəkar əlaqələrin paylaşılmasının təbii davamı kimi qiymətləndirir.
Rekruterlər bunun mənfi təsir göstərdiyini deyirlər
İşə qəbul üzrə mütəxəssislər bildirirlər ki, valideynlərin həddindən artıq iştirakı namizəd haqqında mənfi təəssürat yaradır. Bu, onun kifayət qədər müstəqil olmadığını göstərə və işəgötürəndə gələcəkdə ailə üzvləri ilə də ünsiyyət qurmalı olacağı barədə narahatlıq yarada bilər.
Onların sözlərinə görə, belə yanaşma iş əldə etmək şansını da demək olar ki, artırmır.
"Zety"nin 1000-dən çox Z nəsli nümayəndəsi arasında keçirdiyi sorğunun nəticələrinə əsasən, respondentlərin 20 faizi ən azı bir dəfə iş müsahibəsinə valideynləri ilə birlikdə qatıldıqlarını bildirib.
Məsələnin geniş yayılması səbəbindən bu mövzu ABŞ-ın İnsan Resurslarının İdarə Edilməsi Cəmiyyətinin (SHRM) milli konfransında da müzakirə olunub.
Missuri Universitetinin məzunu Pol "Pi Bi" Brenson isə hesab edir ki, həddindən artıq valideyn himayəsi onun nəslinin nüfuzuna zərər vurur.
"Bu tendensiya həqiqətən də bizim nəslə ziyan vurub və sanki hər addımda bizə rəhbərlik edilməsinə ehtiyac varmış kimi bir stereotip formalaşdırıb", deyə o bildirib.
