"Wall Street Journal" nəşrinin dərc etdiyi 2024-cü il üzrə baş icraçı direktor (CEO) maaş siyahısı iş dünyasının ən çox qazanan rəhbərlərini ortaya qoyub.

Qaynarinfo xəbər verir ki, siyahının lideri texnologiya deyil, təhlükəsizlik sahəsindən çıxıb.

"Axon Enterprise" şirkətinin rəhbəri Rik Smit 2024-cü ilin ən yüksək gəlir əldə edən CEO-su olub. Onun qazancı əsasən birbaşa pul ödənişlərindən deyil, səhm əsaslı mükafat paketlərindən ibarətdir. Bu cür performansa bağlı ödəniş sistemləri xüsusilə texnologiya və təhlükəsizlik sahəsindəki rəhbərlər üçün geniş yayılıb.

Qeyd edək ki, Smit bu cür yüksək gəlir əldə etməklə ilk dəfə gündəmə gəlmir - o, 2019-cu ildə də 246 milyon dollarlıq maaş paketi ilə diqqət mərkəzinə düşmüşdü.

Smitin gəliri, texnologiya nəhəngi "Apple"ın CEO-su Tim Kukun (75 milyon dollar) və "Blackstone" şirkətinin rəhbəri Stiven Şvarsmanın (84 milyon dollar) gəlirini üstələyib. Bu da texnologiya sektoru xaricindən olan liderlərin də rekord məbləğlərdə gəlir əldə edə bildiyini göstərir.

Siyahıda diqqət çəkən digər bir ad isə "Tesla" rəhbəri İlon Mask olub. Mask hər hansı maaş almadığı üçün siyahının sonuncu pilləsində yer alıb. Onun gəliri əsasən şirkətin performansına bağlı olaraq təyin olunan səhm opsionları vasitəsilə qiymətləndirilir.

"Wall Street Journal"a görə 2024-cü ildə ən çox gəlir əldə edən CEO-lar:

1. Rik Smit ("Axon Enterprise") – 165 milyon dollar
2. Lari Kalp ("General Electric") – 89 milyon dollar
3. Stiven Şvarsman ("Blackstone") – 84 milyon dollar
4. Tim Kuk ("Apple") – 75 milyon dollar
5. Cozef Bey ("KKR") – 73 milyon dollar
6. Devid Gitlin ("Carrier Global") – 66 milyon dollarскачать dle 11.3