Quşların azmadan minlərlə kilometr uçmasının sirri
Köçəri quşların hər il minlərlə kilometr məsafə qət edərək eyni bölgələrə qayıtması uzun illərdir alimlərin diqqət mərkəzindədir. Son elmi araşdırmalar bu qeyri-adi naviqasiya qabiliyyətinin sirrinə işıq salıb.
Tədqiqat nəticələrinə görə, quşların qaraciyərində yerləşən dəmirlə zəngin xüsusi immun hüceyrələri Yerin maqnit sahəsini hiss etmələrində mühüm rol oynaya bilər. Alimlər hesab edirlər ki, bu hüceyrələr quşların təbii “kompas” sisteminin əsas hissələrindən biridir.
Araşdırma zamanı quşlar iki qrupa bölünüb. Bir qrupun qaraciyərindəki bu xüsusi hüceyrələrin sayı azaldılıb, digər qrup isə təbii vəziyyətdə saxlanılıb. Buludlu hava şəraitində aparılan sınaqlarda təbii quruluşunu qoruyan quşların yuvalarına asanlıqla qayıtdığı hüceyrə sayı azaldılan quşların isə istiqaməti müəyyən etməkdə çətinlik çəkdiyi müşahidə olunub. Günəşli havada isə hər iki qrup marşrutunu düzgün tapa bilib.
Mütəxəssislər bildirirlər ki, bu nəticələr quşların naviqasiya zamanı yalnız Yerin maqnit sahəsinə deyil, həm də Günəşin mövqeyinə, vizual işarələrə və beyinlərindəki naviqasiya mexanizmlərinə eyni vaxtda güvəndiyini göstərir.
Alimlər hesab edirlər ki, oxşar maqnit hiss etmə sistemi yalnız quşlarda deyil, yarasalar, köstəklər və köpəkbalıqları kimi digər heyvan növlərində də mövcud ola bilər. Yeni araşdırma heyvanların istiqamət tapma qabiliyyətinin öyrənilməsi baxımından mühüm elmi yeniliklərdən biri kimi qiymətləndirilir.//sfera.az
Tədqiqat nəticələrinə görə, quşların qaraciyərində yerləşən dəmirlə zəngin xüsusi immun hüceyrələri Yerin maqnit sahəsini hiss etmələrində mühüm rol oynaya bilər. Alimlər hesab edirlər ki, bu hüceyrələr quşların təbii “kompas” sisteminin əsas hissələrindən biridir.
Araşdırma zamanı quşlar iki qrupa bölünüb. Bir qrupun qaraciyərindəki bu xüsusi hüceyrələrin sayı azaldılıb, digər qrup isə təbii vəziyyətdə saxlanılıb. Buludlu hava şəraitində aparılan sınaqlarda təbii quruluşunu qoruyan quşların yuvalarına asanlıqla qayıtdığı hüceyrə sayı azaldılan quşların isə istiqaməti müəyyən etməkdə çətinlik çəkdiyi müşahidə olunub. Günəşli havada isə hər iki qrup marşrutunu düzgün tapa bilib.
Mütəxəssislər bildirirlər ki, bu nəticələr quşların naviqasiya zamanı yalnız Yerin maqnit sahəsinə deyil, həm də Günəşin mövqeyinə, vizual işarələrə və beyinlərindəki naviqasiya mexanizmlərinə eyni vaxtda güvəndiyini göstərir.
Alimlər hesab edirlər ki, oxşar maqnit hiss etmə sistemi yalnız quşlarda deyil, yarasalar, köstəklər və köpəkbalıqları kimi digər heyvan növlərində də mövcud ola bilər. Yeni araşdırma heyvanların istiqamət tapma qabiliyyətinin öyrənilməsi baxımından mühüm elmi yeniliklərdən biri kimi qiymətləndirilir.//sfera.az
