Bakıda arvadını və özünü güllələyən kişinin SON DURUMU - RƏSMİ AÇIQLAMA

Bakıda həyat yoldaşını qətlə yetirməkdə təqsirləndirilən və özünü də güllələyən Zaur Qəhrəmanovun vəziyyəti açıqlanıb.

Tibbi Ərazi Bölmələrini İdarəetmə Birliyindən (TƏBİB) bildirilib ki, iyulun 9-da baş verən hadisə ilə əlaqədar Kliniki Tibb Mərkəzə hospitalizasiya olunan 1983-cü il təvəllüdlü şəxsin müalicəsi Reanimasiya şöbəsində davam etdirilir.

Gözün dağılmış yarası və kəllədaxili travma diaqnozları təyin edilən pasiyentin vəziyyəti ağır qiymətləndirilir.

Qeyd edək ki, ötən gün Bakıda kişi keçmiş həyat yoldaşının güllələyərək qətlə yetirib, daha sonra özünə atəş açıb, ağır yaralı vəziyyətdə xəstəxanaya yerləşdirilib.