İran hakimiyyəti cümə günü İranın mərhum Ali Lideri Əli Xamenei ilə vida mərasimində iştirak etmək üçün 100 ölkədən nümayəndənin gəlişini gözləyir.

Bu barədə İran Xarici İşlər Nazirliyinin sözçüsü İsmayıl Bəqai bildirib.

"Təxminən 100 ölkədən qonaqlar gözlənilir: siyasətçilər, dövlət başçıları, parlament spikerləri, xarici işlər nazirləri və ya hökumətlərin xüsusi nümayəndələri, eləcə də çox sayda ictimai xadim", - deyə o dövlət televiziyasında açıqlayıb.

Diplomat əlavə edib ki, xarici qonaqlar üçün vida mərasimi cümə günü yerli vaxtla təxminən saat 14:00-da (Bakı vaxtı ilə saat 14:30) başlayacaq.

Xameneinin Tehranda vida mərasimi iyulun 3-də başlayacaq. İyulun 4-dən 5-dək ayətullahın cənazəsi Tehranın ən böyük dini və sosial kompleksi olan Mosallada olacaq.

İyulun 6-da İran paytaxtında əsas küçələrdə dəfn mərasimi keçiriləcək, daha sonra cənazə ölkənin əsas dini mərkəzi olan Qum şəhərinə aparılacaq və iyulun 7-də orada yas mərasimləri keçiriləcək. İyulun 8-də Əli Xameneinin cənazəsi qonşu İraqa göndəriləcək və orada Nəcəf və Kərbəlada yerli şiə müsəlmanları üçün ayrıca vida mərasimləri təşkil olunacaq. Ayətullahın dəfn mərasimi iyulun 9-da onun doğma şəhəri Məşhəddə keçiriləcək.
//unikal.azскачать dle 11.3