İtaliyanın ən uzun çayı quruyur
Avropanı bürüyən güclü isti dalğası İtaliyanın ən uzun çayı olan Po çayında suyun səviyyəsini rekord həddə endirib. Mütəxəssislər xəbərdarlıq edirlər ki, mövcud vəziyyət davam edərsə, bölgədə su ehtiyatları üç həftədən az müddətdə kritik həddə çata bilər.
“Qafqazinfo” xəbər verir ki, ölkənin kənd təsərrüfatının əsas mərkəzi hesab olunan Po vadisində su qıtlığı xüsusilə məşhur parmesan pendirinin istehsalında istifadə olunan südü təmin edən təsərrüfatları ciddi narahat edir.
Po çayında su axını cəmi bir neçə gün ərzində saniyədə orta hesabla 1500 kubmetrdən 300 kubmetrədək düşüb. Səviyyənin kəskin azalması nəticəsində Adriatik dənizinin duzlu suları çayın mənsəbindən təxminən 20 kilometr daxilə doğru irəliləyib.
Bildirilir ki, kənd təsərrüfatı torpaqlarını duzlu sudan qorumaq üçün quraşdırılmış maneələr mövcud axın şəraitində artıq kifayət qədər effektiv deyil.
İtaliya Suvarma Assosiasiyası (ANBI) açıqlayıb ki, Po çayı indiyədək heç vaxt bu qədər qısa müddətdə belə sürətlə su itirməyib.
Ətraf mühit təşkilatı “Legambiente”nin nümayəndəsi Damiano Di Simine bildirib ki, hələlik rəsmi quraqlıq elan olunmasa da, hazırkı tendensiya davam edərsə, bölgənin su ehtiyatları üç həftədən az müddətə kifayət edəcək.
Alimlər vəziyyəti iqlim dəyişikliyi ilə əlaqələndirirlər. Onların sözlərinə görə, qışda yağıntılar normal olsa da, Alp dağlarında qar örtüyünün erkən əriməsi gölləri və çayları qidalandıran su ehtiyatlarını əhəmiyyətli dərəcədə azaldıb.
Su qıtlığı təkcə əkin sahələrini deyil, balıqçılıq sektorunu da təhlükə altına salıb. Po deltasında suyun temperaturunun iyunda 31 dərəcəyə yüksəlməsi midiya və digər molyuskların üzərində yosunların sürətlə çoxalmasına səbəb olub.
Bölgədə fəaliyyət göstərən kooperativin rəhbəri Paolo Mançin bildirib ki, balıqçılar artıq invaziv mavi xərçənglərlə mübarizə aparırdılar, indi isə uzunmüddətli isti dalğaları vəziyyəti daha da ağırlaşdırır: “Bir həftəlik isti hava ilə mübarizə aparmaq mümkündür. Lakin uzun müddət davam edən istilər artıq ciddi problemlər yaradır”.
“Qafqazinfo” xəbər verir ki, ölkənin kənd təsərrüfatının əsas mərkəzi hesab olunan Po vadisində su qıtlığı xüsusilə məşhur parmesan pendirinin istehsalında istifadə olunan südü təmin edən təsərrüfatları ciddi narahat edir.
Po çayında su axını cəmi bir neçə gün ərzində saniyədə orta hesabla 1500 kubmetrdən 300 kubmetrədək düşüb. Səviyyənin kəskin azalması nəticəsində Adriatik dənizinin duzlu suları çayın mənsəbindən təxminən 20 kilometr daxilə doğru irəliləyib.
Bildirilir ki, kənd təsərrüfatı torpaqlarını duzlu sudan qorumaq üçün quraşdırılmış maneələr mövcud axın şəraitində artıq kifayət qədər effektiv deyil.
İtaliya Suvarma Assosiasiyası (ANBI) açıqlayıb ki, Po çayı indiyədək heç vaxt bu qədər qısa müddətdə belə sürətlə su itirməyib.
Ətraf mühit təşkilatı “Legambiente”nin nümayəndəsi Damiano Di Simine bildirib ki, hələlik rəsmi quraqlıq elan olunmasa da, hazırkı tendensiya davam edərsə, bölgənin su ehtiyatları üç həftədən az müddətə kifayət edəcək.
Alimlər vəziyyəti iqlim dəyişikliyi ilə əlaqələndirirlər. Onların sözlərinə görə, qışda yağıntılar normal olsa da, Alp dağlarında qar örtüyünün erkən əriməsi gölləri və çayları qidalandıran su ehtiyatlarını əhəmiyyətli dərəcədə azaldıb.
Su qıtlığı təkcə əkin sahələrini deyil, balıqçılıq sektorunu da təhlükə altına salıb. Po deltasında suyun temperaturunun iyunda 31 dərəcəyə yüksəlməsi midiya və digər molyuskların üzərində yosunların sürətlə çoxalmasına səbəb olub.
Bölgədə fəaliyyət göstərən kooperativin rəhbəri Paolo Mançin bildirib ki, balıqçılar artıq invaziv mavi xərçənglərlə mübarizə aparırdılar, indi isə uzunmüddətli isti dalğaları vəziyyəti daha da ağırlaşdırır: “Bir həftəlik isti hava ilə mübarizə aparmaq mümkündür. Lakin uzun müddət davam edən istilər artıq ciddi problemlər yaradır”.
