Maqnit qasırğaları bəzi insanların özlərini pis hiss etmələrinə səbəb ola bilər, lakin qasırğaların sağlamlığa birbaşa təsirinə dair inandırıcı elmi dəlillər hələ yoxdur.

Bu barədə rusiyalı həkim-terapevt Marina Konstantinova "İzvestiya" nəşrinə müsahibəsində danışıb.

Maqnit qasırğası güclü günəş emissiyaları nəticəsində Yer kürəsinin qoruyucu sahəsindəki dalğalanmadır. İstilik, işıq və kinetik enerji axınları planetin atmosferinə çırpılaraq, maqnit fonunda dalğalanmalar yaradır.

Həkimin sözlərinə görə, geomaqnit aktivlik günlərində tibbi statistika ürək-damar sisteminin vəziyyəti ilə bağlı şikayətlərin sayında artım qeydə alır. Bəzi insanlar başağrısı, zəiflik, əsəbilik və ya iş qabiliyyətinin azalması kimi hallar yaşayırlar, baxmayaraq ki, "meteohəssaslıq" kimi rəsmi diaqnoz mövcud deyil.

Marina Konstantinova qeyd edir ki, bu mövzu ilə bağlı dəlil bazası hələ zəifdir və dərin elmi tədqiqatlar tələb edir.

Bəzi sıra hallarda özünü pis hiss etmə psixoloji mexanizmdən - "nosebo" effektindən qaynaqlana bilər. Bu, insan günəş aktivliyi haqqında xəbərləri oxuduqdan dərhal sonra simptomlar hiss etməyə başlayanda baş verir.

"Yerə çatdıqda bu axınlar planetin qoruyucu maqnit sahəsinə çırpılır və onun dalğalanmasına səbəb olur. Məhz bu dalğalanma da adətən maqnit qasırğası adlanır", - deyə həkim qeyd edib.

Maqnit qasırğaları dövrlərində həkimlər yaşlılara, hamilə qadınlara və xroniki xəstəlikləri olanlara ehtiyatlı olmağı məsləhət görürlər. Təmiz havada sakit gəzintilərə üstünlük vermək və ağır yüklənmədən çəkinmək tövsiyə olunur. Yuxunun keyfiyyətinə nəzarət etmək vacibdir, çünki kifayət qədər istirahət orqanizmə xarici təsirlərlə mübarizə aparmağa kömək edir.

Bu günlərdə qidalanma rasionu daha yüngül olmalı, yağlı, ədviyyatlı və duzlu yeməklər, eləcə də spirtli içki istisna edilməlidir. Konstantinova menyuya daha çox meyvə və tərəvəz əlavə etməyi və maye balansına ciddi şəkildə nəzarət etməyi tövsiyə edir.скачать dle 11.3