Yer kürəsini maqnit qasırğaları bürüyəcək

Aprelin 16-da Yer kürəsində G2 sinfinə aid maqnit qasırğası proqnozlaşdırılır.

Bu barədə Rusiyanın Kosmik Tədqiqatlar İnstitutu və Günəş-Yer Fizikası İnstitutunun Günəş Astronomiyası Laboratoriyası məlumat yayıb.

Alimlərin fikrincə, aprelin 14-də səhər tezdən maqnit dalğaları gözlənilir. Üç gün ərzində onların intensivliyi tədricən artaraq kosmik fırtınanın orta dərəcəsinə uyğun gələn G2 səviyyəsinə çatacaq.

Axşama yaxın qasırğa bir qədər zəifləyib G1 səviyyəsinə enəcək və tədricən başa çatacaq. Lakin proqnozlara görə, aprelin 16-da axşam Bakı vaxtı ilə saat 19:00-dan başlayaraq maqnit qasırğası pik həddinə çatacaq.

Bundan əlavə, aprelin 17-də geomaqnit fonunda artım proqnozlaşdırılsa da, qasırğa səviyyəsinə çatmayacaq.

Növbəti maqnit qasırğaları aprelin 22-i və 24-də gözlənilir.