Yumurta yemək bu xəstəliyə tutulma riskini azaldır - ARAŞDIRMA
Yumurta yeməyin beyin sağlamlığı üçün düşündüyümüzdən daha faydalı ola biləcəyi açıqlanıb.
Təxminən 40 min nəfərin cəlb edildiyi araşdırmaya görə, həftədə orta hesabla 5 dənə yumurta yeyən insanlarda Altsheymer xəstəliyinə tutulma riski daha az olub.
Araşdırmanın nəticələrinə əsasən, müntəzəm şəkildə yumurta qəbul edən şəxslərdə Altsheymer riski daha az yumurta yeyənlərlə müqayisədə 27 faiz aşağı qeydə alınıb. Mütəxəssislər bunun əsas səbəblərindən biri kimi yumurtanın tərkibində olan və beyin funksiyaları ilə yaddaşı dəstəkləyən xolin maddəsini göstərirlər.
Bununla belə, alimlər vurğulayırlar ki, bu nəticələr yumurtanın birbaşa Altsheymer xəstəliyinin qarşısını aldığını sübut etmir. Tədqiqat yalnız müəyyən əlaqəni ortaya qoyur. Beyin sağlamlığının qorunması üçün ümumi həyat tərzi də mühüm rol oynayır. Keyfiyyətli yuxu, fiziki aktivlik, stressin idarə olunması və balanslı qidalanma əsas amillər sırasında göstərilir.
Qeyd edək ki, yumurta zülal, faydalı yağlar, B12 vitamini və beyin sağlamlığını dəstəkləyən digər qida maddələri ilə zəngindir. Mütəxəssislər onu balanslı qidalanmanın bir hissəsi kimi qəbul etməyi tövsiyə edirlər.
Məlumat üçün bildirək ki, bu araşdırma maarifləndirici xarakter daşıyır və tibbi məsləhət hesab olunmur. Hər bir insanın qidalanma ehtiyacları fərqli olduğundan, xüsusilə xolesterin və digər sağlamlıq problemləri olan şəxslər qida rasionunu həkimlə məsləhətləşərək müəyyənləşdirməlidirlər.
//sfera.az
Təxminən 40 min nəfərin cəlb edildiyi araşdırmaya görə, həftədə orta hesabla 5 dənə yumurta yeyən insanlarda Altsheymer xəstəliyinə tutulma riski daha az olub.
Araşdırmanın nəticələrinə əsasən, müntəzəm şəkildə yumurta qəbul edən şəxslərdə Altsheymer riski daha az yumurta yeyənlərlə müqayisədə 27 faiz aşağı qeydə alınıb. Mütəxəssislər bunun əsas səbəblərindən biri kimi yumurtanın tərkibində olan və beyin funksiyaları ilə yaddaşı dəstəkləyən xolin maddəsini göstərirlər.
Bununla belə, alimlər vurğulayırlar ki, bu nəticələr yumurtanın birbaşa Altsheymer xəstəliyinin qarşısını aldığını sübut etmir. Tədqiqat yalnız müəyyən əlaqəni ortaya qoyur. Beyin sağlamlığının qorunması üçün ümumi həyat tərzi də mühüm rol oynayır. Keyfiyyətli yuxu, fiziki aktivlik, stressin idarə olunması və balanslı qidalanma əsas amillər sırasında göstərilir.
Qeyd edək ki, yumurta zülal, faydalı yağlar, B12 vitamini və beyin sağlamlığını dəstəkləyən digər qida maddələri ilə zəngindir. Mütəxəssislər onu balanslı qidalanmanın bir hissəsi kimi qəbul etməyi tövsiyə edirlər.
Məlumat üçün bildirək ki, bu araşdırma maarifləndirici xarakter daşıyır və tibbi məsləhət hesab olunmur. Hər bir insanın qidalanma ehtiyacları fərqli olduğundan, xüsusilə xolesterin və digər sağlamlıq problemləri olan şəxslər qida rasionunu həkimlə məsləhətləşərək müəyyənləşdirməlidirlər.
//sfera.az
