Ermənistan Rusiyadan qaz və neft sazişlərinin ləğvi ilə bağlı xəbərdarlıq məktubu alıb

Irəvan Moskvadan təbii qaz, neft məhsulları və işlənməmiş almazların tədarükünə dair sazişin birtərəfli qaydada ləğv olunması ehtimalı ilə bağlı məktub alıb.
 
Bunu həm Ermənistan Xarici İşlər Nazirliyində, həm də Ərazi İdarəetmə və İnfrastruktur Nazirliyində təsdiqləyiblər.
 
XİN-də bildirilib ki, məktub araşdırılacaq və Ermənistan tərəfi zərurət yarandıqca cavab verəcək.
 
Qeyd edək ki, Rusiya, Ermənistanın Avropa İttifaqına inteqrasiya kursunu davam etdirməsi halında qaz tədarükü ilə bağlı sazişi dayandıra və ya birtərəfli qaydada ləğv edə biləcəyi barədə İrəvana xəbərdarlıq etmişdi.