Bu ölkənin vətəndaşları üçün “ChatGPT Plus” pulsuz oldu

“Open Aİ” şirkəti Malta hökuməti ilə imzaladığı müqavilənin bəzi detallarını elan edib.

Xüsusi kurs keçmiş bütün Malta vətəndaşları “ChatGPT Plus”dan il ərzində pulsuz istifadə edə biləcəklər.

Malta dünyada belə bir sistem tətbiq edən ilk ölkədir. Artıq bir neçə gündür “Hamı üçün süni intellekt” proqramına start verilib. Proqramı Malta Universitetinin əməkdaşları tərtib ediblər. Məqsəd vətəndaşlarda süni intellektdən gündəlik istifadə vərdişləri formalaşdırmaqdır.

Statistikaya görə Malta əhalisinin sayı 550 min nəfər, orta yaş göstəricisi isə 41,5-dir.
//avtosfer.az