Nazirlər Kabineti, Azərbaycan Həmkarlar İttifaqları Konfederasiyası və Sahibkarlar Təşkilatlarının Milli Konfederasiyası arasında Baş Kollektiv Saziş bağlanıb.

Sənəd Azərbaycanın bağladığı və ya tərəfdar çıxdığı beynəlxalq müqavilələrə əsaslanaraq 2026-2028-ci illər üçün sosial-iqtisadi və əmək münasibətləri üzrə razılaşdırılmış mövqelərini və birgə fəaliyyətlərini müəyyən edir. Bəs sənədin əhəmiyyəti necə olacaq?

Məsələni iqtisadçı Eldəniz Əmirov Baku TV-yə bələ şərh edib:

"Sözügedən sənəd əmək bazarında dövlətin, işçinin və işəgötürənin arasında bir institusional etimadın formalaşmasıdır. İşəgötürən baxımından, sahibkarlar üçün daha proqnozlaşdırılan bir əmək mühiti yaradır. İşçilər üçün sosial təminatın güclənməsinə xidmət edir".

Sənəddə dövlət büdcəsindən maliyyələşdirilən sahələrdə çalışanların əməkhaqlarının artırılması, xüsusilə əməkhaqları Vahid Tarif Cədvəli üzrə ödənilən işçilərin aylıq tarif maaşlarının artırılması istiqamətində tədbirlərin görülməsinin vacibliyi qeyd edilib.

Hüquqşünas Sahib Məmmədov sözügedən sənədi əhəmiyyətli hesab etsə də, onun işləmə mexanizminin vacibliyi məsələsini vurğulayıb.скачать dle 11.3