Müharibə tarixi zeytun bağlarını məhv etdi

Livanın cənubundakı döyüşlər nəticəsində ölkənin tarixi və mədəni irsinin bir hissəsi olan qədim zeytun bağlarının böyük əraziləri məhv edilib.

Bu barədə Livan Kənd Təsərrüfatı Nazirliyi məlumat yayıb.

Məlumata görə, İsrailin hərbi hücumları və hərbi əməliyyatları respublikanın cənubunda kənd təsərrüfatına ciddi ziyan vurub, burada zeytun bağları ilə yanaşı, meyvə bağları, mövsümi bitkilər və heyvandarlıq fermaları da məhv edilib.

Bundan əlavə qeyd olunur ki, hərbi münaqişə səbəbindən Livan bir sıra əsas məhsulların çatışmazlığı ilə üzləşib. Nəticədə, hakimiyyət orqanları müvəqqəti olaraq qonşu ölkələrdən mal idxal etmək məcburiyyətində qalıb.