"Spotify" xidmətinin işində qüsurlar yarandı

Bir neçə ölkədə "Spotify" musiqi yayım platformasının fəaliyyətində kütləvi problemlər qeydə alınıb.

Bu barədə məşhur internet resurslarının vəziyyətini izləyən "Downdetector" xidmətinin rəsmi saytında məlumat dərc edilib.

Portalın təqdim etdiyi məlumata əsasən, müraciət edən istifadəçilərin 54%-i birbaşa tətbiqin işindən şikayətlənir, 19%-i serverə qoşulmaqda çətinlik çəkir, daha 17%-i isə audiofaylların yayımlanması zamanı maneələrlə üzləşdiyini bildirir.

"Downdetector"un statistikasına görə, təkcə ABŞ-də 13 mindən çox istifadəçi sistemin fəaliyyətindəki nasazlıqlar barədə xəbər verib. Bundan əlavə, oxşar kəsintilər Almaniya, Böyük Britaniya, İtaliya və Kanada ərazisində də müşahidə olunmaqdadır.