BŞ prezidenti Donald Trump Tehranın Hörmüz boğazında gəmiçiliyin bərpası ilə bağlı təklifini dəstəkləməyib.

Median.Az xəbər verir ki, bu barədə The New York Times məlumat yayıb.

Mənbələrin məlumatına görə, İran ABŞ-ın öz limanlarına tətbiq etdiyi blokadanın ləğvi müqabilində və münaqişə başa çatana qədər nüvə proqramının müzakirə olunmaması şərti ilə boğazın açılmasını təklif edib. Lakin Vaşinqtonda bu şərtlər qəbuledilməz hesab olunur.

ABŞ administrasiyasında hesab edirlər ki, Tehranın təklifinə razılıq verilməsi strateji məğlubiyyət kimi qiymətləndirilə bilər. Rəsmi olaraq Ağ ev danışıqların detalları barədə məlumat vermir. Bununla belə, Bloomberg-ə açıqlamasında administrasiya nümayəndəsi bildirib ki, ABŞ “İrana nüvə silahı əldə etməyə imkan verən heç bir razılaşmaya getməyəcək”.

Mediada yayılan məlumatlara görə, ABŞ administrasiyası daxilində fikir ayrılıqları qalmaqdadır. Məsləhətçilərin bir qismi İrana təzyiqin davam etdirilməsinin tərəfdarıdır və bunun ölkəni iqtisadi cəhətdən zəiflədəcəyini düşünür. Digərləri isə hesab edir ki, bu strategiya əksinə, güc strukturlarının, o cümlədən İslam İnqilabı Keşikçiləri Korpusu mövqelərini gücləndirə bilər.

Hörmüz boğazı ətrafındakı vəziyyət qlobal neft tədarükünə və beynəlxalq təhlükəsizliyə təsir edən əsas gərginlik faktorlarından biri olaraq qalır.

Foto: ua.depositphotos.comскачать dle 11.3