Səhər idmanı ürəyə faydalı ola bilər - Yeni tədqiqat
Yeni bir araşdırma göstərir ki, fiziki aktivlik zamanı yalnız məşqin miqdarı deyil, onun hansı saatda edilməsi də mühüm rol oynaya bilər.
Qaynarinfo xəbər verir ki, Edinburq Universitetinin mütəxəssislərinin iştirak etdiyi və "Open Heart" jurnalında dərc olunan tədqiqatda qeyd edilir ki, insanın bioloji saatına uyğun şəkildə edilən idman ürək sağlamlığına daha çox fayda verə bilər.
Araşdırmada yüksək xolesterin, piylənmə və ya ailəvi ürək xəstəlikləri riski olan 40–60 yaş arası 150 nəfər iştirak edib. Onlar 12 həftə ərzində həftədə beş gün orta tempdə gəzinti kimi fiziki aktivliklə məşğul olublar. Nəticələr göstərib ki, səhər tezdən oyanan insanlar üçün səhər saatlarında, gec saatlarda daha aktiv olanlar üçün isə axşam edilən məşqlər daha effektiv olub.
Bu qrupda qan təzyiqi, ürək ritmi, metabolik göstəricilər və yuxu keyfiyyətində daha nəzərəçarpacaq yaxşılaşmalar qeydə alınıb.
Əldə olunan nəticələr arasında xüsusilə qan təzyiqi göstəriciləri diqqət çəkib. Öz bioloji ritminə uyğun vaxtda idman edən iştirakçılarda böyük qan təzyiqi orta hesabla 10,8 mmHg azalıb. Digər qrupda isə bu göstərici 5,5 mmHg səviyyəsində qalıb.
Tədqiqatçılar bunun səbəbini fiziki aktivliyin bədənin daxili saatına uyğunlaşdırıldıqda metabolizm və damar sisteminin daha səmərəli işləməsi ilə izah edirlər.
Mütəxəssislər isə vurğulayırlar ki, hər kəsin mütləq müəyyən saatda idman etməsi şərt deyil. Əsas məqamın müntəzəm hərəkət olduğu, lakin insanın özünü daha enerjili hiss etdiyi saatlarda məşq etməsinin əlavə fayda verə biləcəyi bildirilir.
Qaynarinfo xəbər verir ki, Edinburq Universitetinin mütəxəssislərinin iştirak etdiyi və "Open Heart" jurnalında dərc olunan tədqiqatda qeyd edilir ki, insanın bioloji saatına uyğun şəkildə edilən idman ürək sağlamlığına daha çox fayda verə bilər.
Araşdırmada yüksək xolesterin, piylənmə və ya ailəvi ürək xəstəlikləri riski olan 40–60 yaş arası 150 nəfər iştirak edib. Onlar 12 həftə ərzində həftədə beş gün orta tempdə gəzinti kimi fiziki aktivliklə məşğul olublar. Nəticələr göstərib ki, səhər tezdən oyanan insanlar üçün səhər saatlarında, gec saatlarda daha aktiv olanlar üçün isə axşam edilən məşqlər daha effektiv olub.
Bu qrupda qan təzyiqi, ürək ritmi, metabolik göstəricilər və yuxu keyfiyyətində daha nəzərəçarpacaq yaxşılaşmalar qeydə alınıb.
Əldə olunan nəticələr arasında xüsusilə qan təzyiqi göstəriciləri diqqət çəkib. Öz bioloji ritminə uyğun vaxtda idman edən iştirakçılarda böyük qan təzyiqi orta hesabla 10,8 mmHg azalıb. Digər qrupda isə bu göstərici 5,5 mmHg səviyyəsində qalıb.
Tədqiqatçılar bunun səbəbini fiziki aktivliyin bədənin daxili saatına uyğunlaşdırıldıqda metabolizm və damar sisteminin daha səmərəli işləməsi ilə izah edirlər.
Mütəxəssislər isə vurğulayırlar ki, hər kəsin mütləq müəyyən saatda idman etməsi şərt deyil. Əsas məqamın müntəzəm hərəkət olduğu, lakin insanın özünü daha enerjili hiss etdiyi saatlarda məşq etməsinin əlavə fayda verə biləcəyi bildirilir.
