2000-ci illərin məşhur "Pussycat Dolls" qrupunun üzvləri dünya turnesi üçün yenidən bir araya gəlirlər.

Bu barədə məşhur "Page Six" portalı məlumat yayıb.

"Bəlkə də bu "Pussycat Dolls"un həqiqətən doqquz həyatı var. Onlar xoşagəlməz məhkəmə prosesindən, COVID-19 səbəbindən konsertin ləğvindən "sağ çıxıblar" və yenidən qastrol səfərlərinə qayıdırlar. Musiqi insayderləri bildirirlər ki, "Don't Cha" hitinin ifaçıları 16 illik fasilədən sonra ABŞ-də bir neçə şou da daxil olmaqla dünya turnesinə hazırlaşırlar. Məlum olub ki, vokalist Nikol Şerzinger artıq qrupa qayıdıb", - deyə nəşr yazıb.

Xatırladaq ki, bundan əvvəl yaradıcıları Robin Antin də daxil olmaqla qızlar qrupu ləğv edilən turne ilə uzun bir məhkəmə prosesində idilər. O zaman Nikol Şerzinger turnedə iştirak edəcəyini təsdiqləsə də, qonorarla bağlı anlaşılmazlıq səbəbindən çıxış etməkdən imtina etmişdi.

Qeyd edək ki, "Pussycat Dolls" 1995-ci ildən 2010-cu ilə qədər fəaliyyət göstərib. Komanda "Don't Cha", "Stickwitu", "I Hate This Part", "Hush Hush" və "Buttons" kimi hitləri ilə məşhurdur.
//oxu.azскачать dle 11.3