2005-ci ildə istifadəyə verilmiş və sadə interfeysi ilə istifadəçilər tərəfindən yaradılan məzmunun paylaşılmasını asanlaşdıran "YouTube" tezliklə texnologiya nəhənglərinin diqqətini çəkərək potensial gəlir və təsir imkanları baxımından əhəmiyyətli platformaya çevrildi. Bu gün YouTube mədəniyyətə, trendlərə və hətta iqtisadiyyata təsir edən ən güclü platformalardan biri kimi tanınır.

İllər ərzində YouTube milyonlarla kontent yaradıcısı üçün əsas gəlir mənbəyinə çevrilib, reklam gəlirləri, brend əməkdaşlıqları və kanal üzvlükləri vasitəsilə monetizasiya həyata keçirilir.

Valyuta.az hansı məzmunların ən böyük auditoriyanı cəlb etdiyini və bu videoların nə qədər gəlir gətirdiyini təqdim edir:

"Baby Shark Dance" - "Pinkfong Kids Songs & Stories" (18 iyun 2016)

Ümumi baxış: 16,42 milyard
Təxmini gəlir: 30 milyon dollar

Bu video son 5 ildə YouTube-da birinci yerdə qərarlaşıb. Rəsmi "Ginnesin Rekordlar Kitabı"na düşmüş uşaq mahnısı sadə sözləri, şən ritmi və yadda qalan rəqsi ilə uşaqların təkrar-təkrar baxmasına səbəb olur.

"Despacito" - Luis Fonsi ft. Daddy Yankee (13 yanvar 2017)

Ümumi baxış: 8,86 milyard
Təxmini gəlir: 16 milyon dollar

Bir zamanlar ən çox yayımlanan mahnı olan "Despacito" hələ də məşhurluğunu qoruyur. RIAA-nın məlumatına görə, ABŞ-da 13 milyon satış və ekvivalent yayımla 14-cü ən çox sertifikatlı sinql olub.

"Wheels on the Bus" - "CoComelon – Nursery Rhymes" (24 may 2018)

Ümumi baxış: 8,22 milyard
Təxmini gəlir: 15 milyon dollar

Klassik uşaq mahnısının bu versiyası CoComelon kanalının ilk viral hitlərindən biri olub. Mahnı "Billboard" qlobal çartlarında yer alan ilk uşaq nəğməsi kimi də tarixə düşüb.

"Bath Song" - "CoComelon" (2 may 2018)

Ümumi baxış: 7,29 milyard
Təxmini gəlir: 13 milyon dollar

CoComelon-un digər hit mahnısı olan bu video əyləncəli ritm və animasiyalarla uşaqları cəlb edir və təhsil məqsədli kontentin effektivliyini sübut edir.

"Johny Johny Yes Papa" - "LooLoo Kids" (8 oktyabr 2016)

Ümumi baxış: 7,13 milyard
Təxmini gəlir: 13 milyon dollar

Klassik uşaq şeirindən ilhamlanan bu video bəziləri üçün əyləncəli, bəziləri üçün isə təkrarlanan strukturuna görə tənqid olunur. Amma uğuru danılmazdır.

"See You Again" - "Wiz Khalifa ft. Charlie Puth" (7 aprel 2015)

Ümumi baxış: 6,85 milyard
Təxmini gəlir: 13 milyon dollar

"Furious 7" filmində mərhum Pol Uolkera ithaf olunmuş bu video emosional təsiri ilə milyonları təsirləndirib.

"Phonics Song with Two Words" - "ChuChu TV" (6 mart 2014)

Ümumi baxış: 6,78 milyard
Təxmini gəlir: 13 milyon dollar

Uşaqlara fonetik qaydaları öyrətmək üçün hazırlanmış bu video həm əyləncəli, həm də maarifləndirici məzmun təqdim edir.

"Shape of You" - Ed Sheeran (30 yanvar 2017)

Ümumi baxış: 6,61 milyard
Təxmini gəlir: 12 milyon dollar

Ed Şiranın bu hiti 2017-ci ilin ən çox satılan mahnısı olmaqla yanaşı, onilliyin də ən uğurlu trekidir.

"Gangnam Style" - PSY (15 iyul 2012)

Ümumi baxış: 5,76 milyard
Təxmini gəlir: 11 milyon dollar

Yadda qalan "at rəqsi" ilə tanınan bu Cənubi Koreya hiti bir neçə "Ginnes rekordu" qazanaraq qlobal fenomenə çevrilmişdir.

"Uptown Funk" - Mark Ronson ft. Bruno Mars (19 noyabr 2014)

Ümumi baxış: 5,70 milyard
Təxmini gəlir: 11 milyon dollar

1980-ci illərin funks stilindən ilham alan bu hit partilərin əvəzolunmaz mahnısına çevrilmiş və milyonlarla izləyici toplamışdır.


скачать dle 11.3