"Vaxtında ABŞ-yə getsəydim, bunlar da baş verməyəcəkdi" - Səfirliyin təqsirləndirilən sabiq əməkdaşı ifadə verib
ABŞ-nin Azərbaycandakı səfirliyinin əməkdaşı Rafiq Göyüşovun cinayət işi üzrə növbəti məhkəmə prosesi keçirilib.
Oxu.Az-ın məlumatına görə, Bakı Ağır Cinayətlər Məhkəməsində hakim Anar Sadıqovun sədrliyi ilə keçirilən prosesdə Rafiq Göyüşov ifadə verərək əvvəllər səfirin sürücüsü olduğunu deyib.
"Mən ABŞ səfirliyinin əməkdaşlarının evlə təmin olunması ilə bağlı fəaliyyət göstərmişəm. 1997-ci ildə səfirin sürücüsü olmuşam. 2003-cü ildən 2018-ci ilədək işləmişəm. Mənə verilən ittihamla heç bir əlaqəm yoxdur. İşlədiyim vaxt ərzində evlərdə 70-dən çox amerikalı ailə yaşayıb.
İşdən öz xahişimlə çıxmışam. Səfirlikdə çalışanlara "green card" verirdilər. Mən ABŞ-yə getsəydim, bunlar da baş verməyəcəkdi. Bu vaxt ərzində xəstəlik tapmışam. Mənim gündəlik, həftəlik, aylıq hesabatlarım olub. Özümü təqsirli bilmirəm".
Dövlət ittihamçısı təqsirləndirilən şəxsin məhkəməyə verdiyi ifadə ilə istintaqa verdiyi ifadə arasında ziddiyyət olduğunu bildirib.
Növbəti məhkəmə prosesi yanvarın 19-na təyin olunub.
İttihama görə, Rafiq Göyüşov Nəsimi rayonu, S.Vurğun küçəsində yerləşən yaşayış komplekslərinin birində diplomatik korpusun işçilərinə kirayə mənzillərin tutulması və avtomobillərin parklanması üçün əlavə ödənişlərin həyata keçirilməsinin zəruriliyini səfirliyin aidiyyəti vəzifəli şəxslərinə bildirib, onları aldadıb. O, inam yaratmaq üçün cinayətin törədilməsinə aidiyyəti olmayan tanışı Azər Səmədovu səfirlik əməkdaşlarının yaşadığı yaşayış binalarında təsərrüfat və digər bu kimi işlərdən məsul olan şəxs kimi təqdim edib. Əldə olunan pullar Səmədovun bank hesabına köçürülüb.
İstintaq materiallarına əsasən, Göyüşovun qanunsuz əməllərindən biri xaricdən gələn səfir və digər diplomatların müvəqqəti yerləşdirilməsi üçün ayrılan vəsaitlərin ələ keçirilməsi ilə bağlıdır. Məsələn, qonaq üçün günlük 200 manata kirayə mənzil tutulduğu halda, o, sənədlərdə bu məbləği 400 manat kimi göstərib. Bu və digər oxşar halların nəticəsində yarım milyondan artıq vəsait ələ keçirilib.
Qeyd edək ki, Rafiq Göyüşov dəymiş ziyanı ödəməyib. Təqsirli bilinərsə, onu 10 ildən 14 ilədək həbs cəzası gözləyir.
Rafiq Göyüşova Cinayət Məcəlləsinin 178.4-cü (xüsusilə külli miqdarda dələduzluq) maddəsi ilə ittiham irəli sürülüb. Onun barəsində məhkəməyə qədər polisin nəzarəti altına vermə qətimkan tədbiri seçilib.
Oxu.Az-ın məlumatına görə, Bakı Ağır Cinayətlər Məhkəməsində hakim Anar Sadıqovun sədrliyi ilə keçirilən prosesdə Rafiq Göyüşov ifadə verərək əvvəllər səfirin sürücüsü olduğunu deyib.
"Mən ABŞ səfirliyinin əməkdaşlarının evlə təmin olunması ilə bağlı fəaliyyət göstərmişəm. 1997-ci ildə səfirin sürücüsü olmuşam. 2003-cü ildən 2018-ci ilədək işləmişəm. Mənə verilən ittihamla heç bir əlaqəm yoxdur. İşlədiyim vaxt ərzində evlərdə 70-dən çox amerikalı ailə yaşayıb.
İşdən öz xahişimlə çıxmışam. Səfirlikdə çalışanlara "green card" verirdilər. Mən ABŞ-yə getsəydim, bunlar da baş verməyəcəkdi. Bu vaxt ərzində xəstəlik tapmışam. Mənim gündəlik, həftəlik, aylıq hesabatlarım olub. Özümü təqsirli bilmirəm".
Dövlət ittihamçısı təqsirləndirilən şəxsin məhkəməyə verdiyi ifadə ilə istintaqa verdiyi ifadə arasında ziddiyyət olduğunu bildirib.
Növbəti məhkəmə prosesi yanvarın 19-na təyin olunub.
İttihama görə, Rafiq Göyüşov Nəsimi rayonu, S.Vurğun küçəsində yerləşən yaşayış komplekslərinin birində diplomatik korpusun işçilərinə kirayə mənzillərin tutulması və avtomobillərin parklanması üçün əlavə ödənişlərin həyata keçirilməsinin zəruriliyini səfirliyin aidiyyəti vəzifəli şəxslərinə bildirib, onları aldadıb. O, inam yaratmaq üçün cinayətin törədilməsinə aidiyyəti olmayan tanışı Azər Səmədovu səfirlik əməkdaşlarının yaşadığı yaşayış binalarında təsərrüfat və digər bu kimi işlərdən məsul olan şəxs kimi təqdim edib. Əldə olunan pullar Səmədovun bank hesabına köçürülüb.
İstintaq materiallarına əsasən, Göyüşovun qanunsuz əməllərindən biri xaricdən gələn səfir və digər diplomatların müvəqqəti yerləşdirilməsi üçün ayrılan vəsaitlərin ələ keçirilməsi ilə bağlıdır. Məsələn, qonaq üçün günlük 200 manata kirayə mənzil tutulduğu halda, o, sənədlərdə bu məbləği 400 manat kimi göstərib. Bu və digər oxşar halların nəticəsində yarım milyondan artıq vəsait ələ keçirilib.
Qeyd edək ki, Rafiq Göyüşov dəymiş ziyanı ödəməyib. Təqsirli bilinərsə, onu 10 ildən 14 ilədək həbs cəzası gözləyir.
Rafiq Göyüşova Cinayət Məcəlləsinin 178.4-cü (xüsusilə külli miqdarda dələduzluq) maddəsi ilə ittiham irəli sürülüb. Onun barəsində məhkəməyə qədər polisin nəzarəti altına vermə qətimkan tədbiri seçilib.
