Azərbaycan Kuboku: Bu gün 1/8 finalın son üç oyunu keçiriləcək

Bu gün Bizon Azərbaycan Kubokunun 1/8 final mərhələsinə yekun vurulacaq.

Son oyun günündə daha üç qarşılaşma baş tutacaq.

Əvvəlcə "Qəbələ" doğma meydanda I Liqa təmsilçisi "Şəfa" ilə üz-üzə gələcək. Qəbələ şəhər stadionunda keçiriləcək qarşılaşma saat 15:00-da start götürəcək.

Digər matçlarda isə "Kəpəz" "Araz-Naxçıvan"la, "Sumqayıt" isə "Difai" ilə qarşılaşacaq. Hər iki oyun saat 19:00-da başlanacaq.

Qeyd edək ki, ötən gün keçirilən görüşlərin yekunlarına əsasən "Turan Tovuz", "Zirə", "Şamaxı", "Sabah", eləcə də "Qarabağ" 1/4 finala adlayıblar.

Bizon Azərbaycan Kuboku

1/8 final mərhələsi

4 dekabr

15:00. "Qəbələ" - "Şəfa"

Hakimlər: Əli Əliyev, Teymur Teymurov, Gülnurə Əkbərzadə, Kamran Əliyev.

Hakim-inspektor: Ceyhun Haşımov.

AFFA nümayəndəsi: Nəriman Axundov.

Qəbələ şəhər stadionu.

19:00. "Araz-Naxçıvan" - "Kəpəz"

Hakimlər: Cavid Cəlilov, Kamran Bayramov, Müslüm Əliyev, İslam Məmmədov.

VAR: Elçin Məsiyev.

AVAR: Kamranbəy Rəhimov.

Hakim-inspektor: Asim Xudiyev.

AFFA nümayəndəsi: Yavər Rəhimov.

"Liv Bona Dea Arena".

19:00. "Difai" - "Sumqayıt"

Hakimlər: Nicat İsmayıllı, Pərvin Talıbov, Zöhrab Abbasov, Vüqar Həsənli.

Hakim-inspektor: Anar Salmanov.

AFFA nümayəndəsi: Asif Əliyev.

M.Hüseynzadə adına Sumqayıt şəhər stadionu.